MERKEZÊ XEBERAN - Goreyê dayeyê fermî, mîyanê 6 aşmê peyîn de, Iraq de 327 cinî desteştişî rê rî bi rî mendê.

 

Goreyê raporêk beşê hedîseyê cinsî yê nêweşxaneyê bajarê Iraqî, mîyanê 6 aşmanê destpêkî yê serra 2024ine de, desteştişê cinsî 421 kesan rê ameyo kerdiş.

 

Eynî raporî de yeno vatiş ke hûmara 327 ci ra cinî û 94 zî camêrd ê. 

 

Goreyê eynî raporî, bi hawayêk pêroyî tîmê pisporî semedê rewşa taybetî, bi kesê desteştiş înan rê ameyo kerdiş dir eleqedar benê.

 

Rêxistina Efûyê Mîyanneteweyî (Amnesty International) zî derheqê rewşa cinîyan pêroyî û cinîyê Herêma Kurdistanî şîdet ra xelisyayî, raporêk vila kerd.

 

Goreyê raporî cinîyê ke şîdetê keyeyî ra xelisyayî, rewşêke tersî de ciwîyenê, sewbîna cinîyê ke gerre kenê zî dimayê gerreyê xo hetêk ra tehdîdê heyfgirewtişî dir rî bi rî manenê.