MERKEZÊ XEBERAN - Rêxistina Efûyî ya Mîyanneteweyî semedê rojnamegere Pexşan Ezîzî ke Îran de cezaya îdamî ci rê ameye birnayîş, eşkerayîyêke da û vat, ganî cezaya dardekerdişî yê Pexşan Ezîzî ser o bêro wedaritiş û bêşert û merc bêro veradayîş.

 

Pexşan Ezîzî ke 4ê Tebaxa 2023ine de hetê hêzê Îranî ra amebî destbendkerdiş û tepiştiş, 23yê Tebaxe de cezaya dardekerdişî aye rê birnayî. Rêxistina Efûye ya Mîyanneteweyî venga dadweriyê Îranî kerd ke cezaya îdamî yê rojnameger û pawitoxa heqê cinîyan Pexşan Ezîzî rê birnayê, betal bikero û waştiş kerd ke ganî bêro veradayîş. 

 

Rêxistina Efûyî ya Mîyanneteweyî eşkerayîya xo de qetî kerd ke şarê kurdî bi serran o binê îqtîdarê Îranî de rastê zulmê şîdetê sîstematîk ameyê, neql kerd ke ganî cezaya dardekerdişî yê Pexşan Ezîzî lezkî bêro wedaritiş û bêşert û merc bêro azadkerdiş. Eşkerayîye de ame dîyarkerdiş ke Pexşan Ezîzî tena semedê pawitişê heqê aştîye û qanûnî ameyo girewtiş û cezaya dardekerdişî zî sey “sûcêk hemverê merdimayî” biname kerd.