29ine hûmara Kovara Jineolojîye bi dosya "Bakur" vejîya. Na hûmare de bale antî serê têkoşînê cinîyanê Kurdistanî. Edîtora kovara Jineolojîye Rojda Yildiz derheqê hûmare de qisey kerd.

 

Rojda da zanayîş ke hûmara vîyarte bi dosya Rojhilat vejîyaya û wina vat: “Ma têkoşîn û şorişê cinîyan ê Rojhekatî girewtibi dest. Demê peyîn de ma kokê şorişê ‘jin jiyan azadî’ cigêrayîş kerd. Ma cinîyanê ucayî reyde qisey kerd. La wexto ke ma ewnîyenê reya ewil ‘Jin jiyan azadî’ Bakur de veng dano. Ma waşt ma nê bigîrê dest û munaqeşe bikerê.”

Serkêşîya vurnayîşê cinîyan

 

Rojda vat ke hûmara diyîn ê dosyaya Kurdistanî de Bakur weçînayê û wina vat: “Bakur cayê vejîyayîşê têgêrayîşê cinîyanê kurdan o. Dinya de ewro nimûne yo. Bakur de bi des hezaran cinî têkoşînêk cidî danê.  Nê cinî bî sebebê vurnayîşê pîlî û cidî. Bedelê pîlî ameyî dayîş. Cinîyan têkoşînê Bakur reyde serkêşî kerdî. Semedê nê zî her tim bi hêrişan reyde ameyî rî bi rî. Demê peyîn de hêrişê cidî kerdî dewre.”

 

Cinîyê kurdî mîyanê têkoşînî de yê

 

Rojda dîyar kerd ke cinîyê kurdî her tim hemverê sîstemê serdest yê camêrd û netew-dewlete de têkoşîn kerdê û bi serran o xo ver danê. Rojda wina qiseykerdişê xo peynî kerd: “No xoverdayîş tenê serê xoverdayîşî de nê serê rêxistinbîyayîşê alternatîfî zî kerdê. Ma zî waşt ma nê newe ra wendoxanê xo reyde bîyarê têhet. Ma na hûmara xo yew bi yew diyarîya cinîyanê Bakurî kenê. Ma venga pêro cinîyan kenê ke bi wendiş, pêşnîyaz, rexneyê xo hetê ma de bibê û ma têkoşînê azadîya cinî pîl bikerê.”