ŞIRNEX - Şirnex de mektebêk de testê 10 wendekaran pozîtîf vejîya û mektebî kerdî binê karantîna.

 

Merkezê Şirnex de ame zanayene ke Lîseyê Meslegî û Teknîkî yê Kênayan ê Nazmîye Demîrelî ke 200 wendekaran perwerde vînenê, testê 10 wendekaran pozîtîf vejîya.

 

Ame zanayene ke pêro wendekaran kerdê binê karantîna û sewbîna ame vatene ke wargeh zî kerdê binê karantîna.

 

Îdarekarê mektebî seba karantîna 15 rojî mabêne dayo perwerde. Mudirîyê Perwerdeyî Mîlî yê Şirnexî tu zanayîş nêda.