Mersîn de xeylêk kesî ameyî destbendkerdene
- 13:31 22 Sibate 2020
- NAROJANE
MERSÎN - Mersin de hemserek û îdarekarê HDPyî yê qeza û şaristanî zî tede xeylêk kesî sereştişê keyeyan de ameyî destbendkerdene.
Mersin de êwro polîsan bi hawayêkê hemwextî eşt xeylêk keyeyan ser. Polîsan keyeyî serûbin kerdî û dest na xeylêk malzemeyê dijîtalî ser. Sereştişan de hemsereka HDPyî ya qeza Akdenizî Feyza Kaya, hemserekê HDPyî yê qeza Toroslarî Cabbar Karabeg, endamê meslîsê HDPyî yê Akdenizî Nuraye Aslan û îdarekarê HDPyî yê Bajarî Nazane Dundar, Cihan Kokbalik û Ercan Alp destbend kerdî.
Kesê ke ameyî girewtene ameyî berdene Mudirîyetê Asayîşî yê Bajarî.
Yeno pawitene ke do hûmara destbendkerdişî bêro zêdînayene