Melek Avci 

 

ENQERE - Endama komîsyonê Gulistan Kılıç Koçyîgît bertek nîşanî axaftina provokatîf a di civîna komîsyonê de da û got: "Axaftina îro bi tevahî provokatîf bû û armanc ew bû ku pêvajoyê têk bibe. Em ê vê mijarê bi Serokê Parlamentoyê re nîqaş bikin."

 

Di civîna 11’emîn de jî dê komîsyon li Federasyona Eşîrên Qedîm, Konfederasyona Malbatên Cerdevanên Ewlehiyê û Şehîdan ên Anatoliyayê, Weqfa Alimên Medreseyê (MEDAV), ÎTTÎHAD, Federasyona Komeleyên Pîşesaz û Karsazên Rojhilat Başûrrojhilat (DOGUNSÎFED), Komeleya Karsazên Jin ên Rojhilat û Başûrrojhilat (DOGUNKAD)” û weqf û komeleyên cuda guhdarî dike.

 

Di komîsyonê de Cîgirê Serokê Giştî yê Komeleya Teblîxa Îslamî Mehmet Beşîr Şîmşek axivî. Ev komeleya behsa xeberê, ji hêla Enver Kiliçarslan ve hatiye avakirin ku ev kes Gonca Kurîş jî di nav de ji kuştina bi dehan kesan a bi rêbaza girêka beraz hatiye darizandin. Dema Mehmet Beşîr Şîmşek diaxivî, hem MHP hem jî DEM Partiyê bertek nîşan da. 

 

Endamên DEM Partiyê ji ber gotinên provokatîf ên Cîgirê Serokê Giştî yê Komeleya Teblîxa Îslamî Mehmet Beşîr Şîmşek, eywan terikandin. 

 

Derbarê mijarê de Cîgira Seroka Koma DEM Partiyê Gulistan Kiliç Koçyîgît û di heman demê de endama komîsyonê ev tişt got: "Pêşî, yek ji armancên vê komîsyonê ew e ku beşdarî çareseriya pirsgirêka kurd bibe û aştiya civakî misoger bike. Ev komîsyon ji bo vê armancê hatiye damezrandin û me dît ku her kesê ku me heta niha ji wî bihîstiye, bi nêzîkatiyek ku tehemûlî ramanên herî tund dike û guh dide wan, hewl daye ku beşdarî pêvajoyê bibe. Lêbelê, axaftina îro bi tevahî provokatîf bû. Ew axaftinek bû ku rave kir ku çawa aştî nayê bidestxistin, dijminatiyê ji nû ve gur kir û hewl da ku êşê gur bike.

 

Naveroka axaftinê û zimanê ku hat bikaranîn pir pirsgirêk bûn. Ji ber vê yekê, me êdî nekarî vê axaftinê tehemûl bikin û ji ber vê yekê me komîsyon terikand.

 

Em ê vê mijarê dîsa bi Serokê Parlamentoyê re nîqaş bikin. Em bawer dikin ku ev mijar hesasiyet hewce dike. Girîng e ku her kes dengê xwe bibihîze, li zimanê xwe haydar be, li ser aştiyê biaxive û ji bo pêvajo û çareseriyê pêşniyaran pêşkêş bike. Me ev nerîn ji Serokê Parlamentoyê re ragihandine. Em ê paşê dîsa li ser vê mijarê nîqaş bikin. Em bawer dikin ku ev mijar hewceyê baldariyek e.

 

Hemû saziyên ku me heta niha gazî wan kiriye û guhdarî wan kiriye, ev hesasiyet dîtine. Lê axaftina îro bi tevahî provokatîf bû û armanc jê têkbirina pêvajoyê bû. Ji ber vê yekê, ji bo me ne gengaz bû ku em wê tehemûl bikin ji ber ku ew axaftinek li dijî aştî û çareseriyê bû."