ELIH - Cinîyan derheqê prosesê "Aştî û Cimatê Demokratîkî" de qisey kerdî û dîyar kerdî ke semedo ke proses rind biherikîyo lazim o ke statuyê Rayberê Şarê Kurdî Abdullah Ocalan bêro naskerdiş.

 

Dimayê venga "Aştî û Cimatê Demokratîkî" ke Rayberê Şarê Kurdî Abdullah Ocalanî 27ê sibata 2025ine de kerd, çarçeweya zemînê huqûqî de "Qanûnê Derheqê Xurtkerdişê Yewbîyayîşê Neteweyî û Yewparebîyayîşê Komelî" ke sey Qanûnê Çarçewa yeno zanayîş, kewt merîyet. Derheqê bêçekbîyayîşî ke qanûn de ame dîyarkerdiş, raporê teyîd û tespîtkerdişê Komîteya Asayîşê Neteweyî (MGK) yeno pabebîyayîş. Semedo ke proses rind bêro domnayîş, waştişê statuyê huqûqî semedê Rayberê Şarê Kurdî Abdullah Ocalan vejîyeno vernî.

 

'Pabebîyayîşê şarî est o'

 

Çalakîkera TJAyî Hava Can va ke proseso ke Rayberê Şarê Kurdî Abdullah Ocalan da destpêkerdiş vernîya merdişan girewt û va: "Proses no di serrî yo dewam keno û hema zî semedê şarê kurdî nêbîyo cewab. Semedê nê prosesî di serrî eşkena vajî ke merdişî pê nêameyî. Nê semedî ra vernîya merdişan girewtî. Pabebîyayîşê şarî est o la hema nêameyî ca. Hêvîya ma na ya ke proses tesdîq bi netîce bibo."

 

'Ma prosesêk cîyayî de yê'

 

Hava Can dewamê qiseykerdişê xo de eşkera kerd ke lazim o ke dewlete muhîmîya Rayberê Şarê Kurdî Abdullah Ocalanî yê prosesî bivîno û wina ard ziwan: "Lazim o ke statuyê Abdullah Ocalan bêro dîyayîş. Lazim o ke dewlete na statuyî bivîno. No proses nêşibyeno prosesanê bînan. Çimkî yewser serek serkêşîya nê keno û nê semedî ra fermîyetî de name muhîm nîyo, çi bibo wa bibo serek serkêşîya prosesî keno. No proses hetê serekî ra resayo noqteyêk. Tîya ra tepîya muhîmîya serekî yê prosesî lazim o ke bêro dîyayîş."

 

'Şer vinderto'

 

Îdarekara Partîya Têduştî û Demokrasîyê Şaran (DEM Partî) Gulsume Esen dîyar kerd ke proses heta noqteyêk ameyo û wina ard ziwan: "Beno ke hetê şarî ra demêk derg bêro dîyayîş la sîyaset çîyêk asan nîyo, prosesanê dergan hewce vîneno. Semedê sîyasetî demo derg hewce keno. Şer vindert. Lazim o ke no qij nêro dîyayîş. Semedo ke şerê çekdarî peynî bibê demê dergî hewce kenê. Dewlete gaman giran erznena. Şans nêmendo. Mecbûr a ke gaman bierzo û masa ser o kurdan dir çareserîye pê bîyaro."