MERKEZÊ XEBERAN - Serekê dezgehê edaletî yê Îranî ferman da dadgehe seranserê Îranî ke bi hawayêk taybet taqîbkerdişê "hîcabê mecbûrî" bikerê û "binpaykerdoxan" ceza bikerê.

 

Verfekê dezgehê edaletî yê Îranî Elî Kazimî neql kerd ke Serekê Edaletî yê Îranî Muhsinê Êjeyî, ferman pêro dozgerîyanê seranserê Îranî rê veto ke dewaya hîcaba mecbûrî bi xurtî bivindernê.

 

Elî Kazimî dîyar kerd ke bêhîcabî goreyê qanûnê cezaya îslamî ya Îranî sucê û hêzanê leşkerî ameyî tesdîqkerdiş ke demo ke her tewir hîcabê zerrîwazî-bêhîcabîye bivînê "binpaykerdoxan" bişirawê dadgehe û ceza bikerê.

 

Erjê vatişî yo ke no qerar dimayê kombîyayîşê serekê dezgehê edaletî yê pêwa hîn qiseykerdoxanê camîyan ame, ke ci de endîşeyanê xo na mesele ser o ardibi ziwan.

 

Semedê rewşa şerî ya welatî, demêk bî ke dewaya hîcabê mecbûrî kewtibî bêvengî û vindernayîşî de, la tedayê xurtê neweyî yê dezgehê edaletî ancî dest pêkerdî.