ŞIRNEX – Cinîyê ke Cizîr de tewrê rayîrşîyayîşê semedê perwerdeyê bi ziwanê dadîye û statûya kurdkî bîyî, bala antî serê muhîmîya ziwanê dadîye.

 

Bi serran o polîtîkayê înkar û asîmîlasyonî yê serê şarê Kurdî dewam kenê û nê polîtîkayî zêdeyêr serê ziwan û kulturê şarî de yenê domnayene. Prosesê Aştî û Cimatê Demokratîkî de yew waştişê bingehîn ê şarê kurdî perwerdeyê bi ziwanê dadîye û statûya semedê ziwanê kurdkî ya. Bi destpêkerdişê demê neweyî yê perwerdeyî reyna bi hezaran tutê kurdan bi ziwanê dadîye ra bêpar mendî. Şar vera na rewşe de reaksîyonê xo ano ziwan.

 

‘Eke ma ziwanê xo qisey mekerê, ma merde yê’

 

Cinîyê ke qezaya Cizîrê Şirnexî de tewrê programê semedê perwerdeyê bi ziwanê dadîye û statûya kurdkî bîyî, bala antî serê muhîmîya perwerdeyê bi ziwanê dadîye. Sewbîna cinîyan dîyar kerd ke ê her wareyê cuya xo de bi kurdkî qisey kenê û tayê înan zî destnîşan kerd ke pêwa ke xêrcê kurdkî ziwanêko bîn nêzanê, bi kurdkî xizmet nêgînê û semedê nê ra zî probleman ciwîyenê. Sewbîna cinîyan dîyar kerd ke ê wazenê tutê înan bi ziwanê xo perwerdeyî bivînê û wina qalkerdî: “Ma çiqas ziwanî bizanê hende baş o. Labelê verê her çîyî ganî tutê ma bi ziwanê xo qisey bikerê. Eke ma ziwanê xo qisey mekerê, ma merde yê.”