ÎZMÎR - Endama Meclîsê Sendîkayê Mamosteyanê Sektorê Taybetî Îpek Karenfîl dîyar kerd ke bi serran hemverê probleman têkoşîn kenê û va ke lazim o ke têkoşîn bi pîya bêro domnayîş û venga pîlkerdişê têkoşînî heme kesî rê kerd.

 

Mamosteyê ke tayînê înan nêameyî kerdiş û mulakatan de heqanê înan yenê xespkerdiş sektorê taybetî de zî hemverê keda xo nêgênê.

 

Platformê Mamosteyanê Mexdûrê Mulakatî û Sendîkayê Mamosteyanê Sektorê Taybetî, 14ê hezîrane de hemverê xespkerdişê heqê hezar û 611 mamosteyanê ke nêameyî tayînkerdiş Anqara de çalakî pê ardî. Grevê 13 rojan dewam kerd û vatî ke bajarê bînan de zî çalakîyanê xo bidomnê.

 

Endama Meclîsê Sendîkayê Mamosteyanê Sektorê Taybetî Îpek Karenfîl xoverdayîşê bi rojan Anqarayî de dewam kerd û derheqê waştişanê xo de qisey kerd.

 

‘Mamosteyî êdî nêpawenê’

 

Îpek Karenfîl va ke sey mamosteyanê ke nêameyî tayînkerdiş hemverê zafê probleman de têkoşîn kenê û va: “Ma hemverê nê probleman de pêvînayîşî kerd. Ma tewrê komîsyonan bîyî. Ma mexdurîyetanê xo parlamenteran rê, wezaretan rê va. Ê zî vatî şima heqdar ê. Ma va ma êdî nêeşkenê bipawê.”

 

‘Xebata bêasayîş yena normalkerdiş’

 

Îpek Karenfîl dîyar kerd ke semedo ke waştişê înan bêrê dîyayîş Anqara de dest bi nê têkoşînî kerdî û wina dewam kerd: “Zaf sebebê xoverdayîşê ma est ê. Ma sey sendîka semedê waştişan têkoşîn kenê. Ma sey mamosteyanê sektorê taybetî sey meslegdaranê xo wayîrê heqanê têduşt nîyê, meaşê têduşt nîyê. Pêwa ke ma eynî xebate kenê û înan ra kêmêr meaş gênê, ma wayîrê heqanê têduşt nîyê. Xebata bêasayîş yena normalkerdiş.”

 

‘Nîno qebûlkerdiş’

 

Îpek Karenfîl dîyar kerd ke sazîyanê ke uca xebate kenê lazim o ke hetê wezaretê perwerdeyî ra bêrê kontrolkerdiş û va: “Ma tabloyêk ke sey berpirsîyarîyê înan çinbo dir rî bi rî yê. Problemî nînê dîyayîş. Nêvînayîş ra yenê. La ma nêeşkenê binpaykerdişî qebûl bikerê. Ma wazenê ke heqanê qanûnî yê mamosteyan bikewê binê asayîşê desturî. Sendîkayê ma 4-5 serrî yo xebatan domnena, hemverê nê bêasayîşî têkoşîn domnena.”

 

Îpek Karenfîl wina qedêna: “Heqê ma însafê patronan rê ame verdayîş. Nêkewenê binê asayîşê qanûnî. Hemverê nê patronî bi teşwîq û serrastkerdişanê qanûnî yenê pawitiş. Berpirsîyarî hemverê waştişanê ma çimanê xo û goşê xo girewtê. Nê semedî ra ma çalakîya xo her bajarî de bidomnê. Hewcedarîya ma bi piştîdayîş û destdayîşê her kesî est a.”