MERKEZÊ XEBERAN - Esma Yoro Turkere ya ke sey vîndîbîyaye ameyîne cigêrayîş, binê şert û mercanê gumanbarî de Gola Awbendê Derbentî de merde ameye vînayîş.

 

Wesayîto ke hetê Esma Yoro Turkere (40) ra ameyîne ramitiş ke hîrê rojî bî Samsun de vîndîbîyaye ya û nêameyîne zanayene ke kamca de ya, nêzdîyê mewqîyê kapakî yê Awbendê Derbentî de ameye vînayîş. Welatijan wesayît mîyanê awe de dî û xebere dayî selahîyetdaran. Yewîneyê leşkeran û tîmê cigêrayîşî binê awe sewqê cayo ke hedîse tede bi ameyî kerdene.

 

Tehqîqat mojna ke Esma Yoro Turkere ya ke mîyanê weayîtî de bî, binê şert û mercanê gumanbarî de dinyaya xo bedelnaya.

 

Tîman cenazeya Esma Yoro Turkere awe ra vetî û seba otopsî berdîya morg.

 

Tîmê leşkeran derheqê hedîse de tehqîqat da destpêkerdene.