ANQARA - Parlamenterê DEM Partîyî muracatêk pêşkêşê Komîteya Cipersayîşê Heqê Merdiman ê Parlamentoyî (ÎHÎK) kerdî û dîyar kerdî ke Leyla Cuma Îbrahîm a ke Zîndanê Cinîyanê Erzincanî de tepişte ya, pêwa problemanê weşîyeyî yê cidî zî, semedê neqlkerdişê nêweşxaneyî nêkerdê.

 

Parlamenterê Partîya Têduştî û Demokrasîyê Şaran (DEM Partî) Beritan Guneş Altin, Onur Duşunmez, Serhat Eren û Nevroz Uysal Aslan derheqê redkerdişê girewtişê xizmetê weşîyeyî yê Leyla Cuma Îbrahîmî a ke Zîndanê Cinîyanê Erzincanî de tepişte ya, muracatêk pêşkêşê Komîteya Cipersayîşê Heqê Merdiman ê Parlamentoyî (ÎHÎK) kerdî.

 

Muracat de yeno vatiş ke Leyla Cuma Îbrahîm nêzdîyê yew aşmî yo ke problemê weşîyeyî yê cidî ciwîyena û nêeşkena bireso xizmetanê weşîyeyî yê lazimî. Neql bî ke tepişteya nêweşe Leyla Cuma demêk derg o semedê emel û virtişî baş nîya. Gonî fekê aye ra yena, kîsêk sîneyê aye de ameyo tespîtkerdiş û dejêk dewamê milê aye est o. Parlamenteran dîyar kerdî ke gerreyê weşîyeyî zafê reyan hetê gardiyanê zîndanî ra vernîya berê hucreyî de bi pêmawitişê tansiyona gonî yena ercnayîş û eke wendişê tansiyona gonî asayî bibo, sewqkerdişê nêweşxaneyî nîno kerdiş.

 

Waştişê sewqkerdişê lezkî

 

Muracatê Komîsyonê Heqê Merdiman rê waştişê cipersayîşêk lezkî yê rewşa weşîye ya Leyla Cuma Îbrahîmî, peyda kerdişê tomarê weşîye û nêweşxaneyî, cipersayîşêk sebebê nêqebûlkerdişê waştişanê aye yê semedê neqlkerdişê nêweşxaneyî û agahîya newekerdeyî ser o Wezaretê Edaletî û Weşîye kerd. Parlamenteran sewbîna waşt ke tepişteye bi lezkî semedê nêweşxaneyêk baş bêro neqlkerdiş û muayeneyê lazimî bêrê kerdiş.