MERKEZÊ XEBERAN - Heyetê Cinîyanê Îdarekardişê Xoserî, bi Komîsyonê Sûrîye yê Karê Keyeyî û Nifûsî dir, zafê meselayê girêdayeyê prosesê entegrasyonî û sewbîna metodanê averberdiş ê mekanîzmayê hemkarîya hembeşî munaqeşe kerd.

 

Heyetê Cinîyanê Îdarekardişê Xoserî çarçeweya kombîyayîşanê dewam de, semedê taqîbkerdişê entegrasyonê sazîyanê Îdarekardişê Xoserî bi sazîyanê dewletî dir, ofîsê Komîsyonî yê Şamî de bi Komîsyonê Sûrîye yê Karê Keyeyî û Nifûsî dir kombîyayîşêk organîze kerd.

 

Teberê temsîlkarê Heyetê Cinîyanê Îdarekardişê Xoserî Adalet Omer û Rohat Xelîl, endama Komîteya Entegrasyonî ya bajarê Hesekî Jiyan Hesen, tewrê kombîyayîşî bî. Hetan, mekanîzmayê semedê koordinasyonî û xebata hembeşî ya qonaxê verêne de munaqeşe kerdî. Sewbîna semedê ke rolê sazîyanê ke problemanê cinîyan, keyeyî û nifûsî dir eleqedar benê çarçeweya sazîyêk yewgirewte de bêro xurtkerdiş, ercnayîş kerdî.

 

Kombîyayîş de prosesê entegrasyonî ame munaqeşekerdiş

 

Kombîyayîş de meselayê girêdayeyê prosesê entegrasyonî, metodanê averberdiş ê hemkarîye û dayîşûgirewtişê pisporîye mîyanê her di hetan de, ame munaqeşekerdiş. Hedef kenê ke no bibo hetkar ke bîyayîşê cinîyan wareyê cîyayê xebata sazîyan de xurt bibo û prensîbê hemkarîye û entegrasyonî pêşkêşkerdişê xizmetguzerîye û xebata îdarîye de xurt bikero.​​​​​​​​​​​​​​​​