MERKEZÊ XEBERAN - Başûrê Hesekê de semedê sebebêk nêdiyarî ra adir 5 hêgayê genim û cewî kewt. Netîceya nê şewatî de nêzdîyê 10 donim herra hêgayan veşa.

 

Bajarokanê Mergede û Şedadî yê ke başûrê Hesekê de yê, mîyanê 48 saetan de adir 5 hêgayê genim û cewî kewt û netîceya ci de nêzdîyê 10 donim cew û genim veşa.

 

Tîmê îtfaîye yê bajarê Hesekê mudaxaleyê nê şewetan kerdî û adir tefênayî.

 

Bi ameyîşê hamnanî û germbîyayîşê dinya hedîseyê veşayîşê hêgayan zêde benê. Veşayîşê hêgayan xeylêk reyan bi zanebîyayîş û hetê komê çeteyan ra seba zirardayîşê welatijan û ekonomîya herême yeno kerdiş. Sewbîna xemsarî û nêbaldarbîyayîşê welatijan zî hamnanan beno sebebê veşayîşê hêgayan û daristanan.