Bûşra Turan

 

ÎDIR - Dayîkê Aştîye dîyar kerdî ke, semedo ke no proseso ke Rayberê Şarê Kurdî Abdullah Ocalanî dest pêkerdo agêro aştîye, ganî polîtîkayê tecrîdî bêrê qetîkerdiş û asayîşê qanûnê bingehînî bêro caardiş. Sewbîna dîyar kerdî ke ganî dewlete demêkê nêzdî de gamanê somutan bierzo.

 

Prosesê ‘Aştî û Cimatê Demokratîkî’ yo ke Rayberê Şarê Kurdî Abdullah Ocalanî dest pêkerdo, serrêke û nîm peyê xo de verda. Pêwa nê, dewlete hema zî gamêka somute nêeşta. Pêwa qeraranê Dadgeha Heqanê Merdiman a Ewropa (DMME) û Dadgeha Qanûnê Bingehînî (DQB), hema zî ‘Heqê Hêvîye’ nêameyo naskerdiş.

 

Dayîkê Aştîye Latîfe Tabat û Seyran Îrîke derheqê prosesî û gamanê ke ganî bêrê eştiş de qisey kerdî.

 

‘Wa mektebê ma est bê, ziwanê ma azad bo’

 

Dayîka Aştîye Latîfe Tabare va ke ê aştîye wazenê û ganî proses hetê her di hetan ra aver şêro: “Ma aştîye wazenê. Ma wazenê ke Abdullah Ocalan û tepişteyî bêrê veradayîş. Ma wazenê ke semedê ziwanê ma statû bêro dayîş û ma bi hawayêkê azadî qisey bikerê. Ma kurd û tirkî wayê û bira yê. Ma pîya ronişê û qisey bikerê. Ma şer nêwazenê. Ma aştîye wazenê. Dewlete ganî demêkê nêzdî de gaman bierzo.”

 

‘Ganî dewlete gaman bierzo’

 

Dayîka Aştîye Seyran Îrîke zî waştişê aştî û demokratîkî ardî ziwan û va: “Ganî proses bi gamanê somutan aver şêro. Ez 72 serrî ya. Babeta aştîye de ma azadîya serekîya xo wazenê. Ma azadîya Fîgen Yuksekdag wazenê. Wa tepişteyê ma bêrê veradayîş. Aştî muhîm a. Çîyêko weş o. Wa tu kes nêmiro. Dewlete ganî semedê aştîya prosesî gaman bierzo. Ganî ma heme şarî paştîdayîş bidê aştîye.”

 

‘Wa serekê ma azad bo’

 

Seyran Îrîke venga aştîye kerd û dîyar kerd ke ganî dayîkî helwestêko hembeş mojnê (nîşan bidê) û wina dewam kerd: “Ganî heme dayîkî bêrê yewser. Wa dayîkî nêbermê. Wa domanê ma nêrê qetilkerdiş. Wa bêtêduştî nêkerê. Ma nê wazenê. Ma merdimê na herre yê. Wa serekê ma azad bo. Ma heme wayê û bira yê. Dewlete ganî gaman bierzo. Wa nê prosesî nêvînayîş ra nêro.”