MÊRSÎN - Mehmet Ruştu Tiryakî ke konferansê Îdarekardişanê Herêmî yê Demokratîkî yê DEM Partîyê Mêrsînî de organîze kerd de qisey kerd û va: “Qerarê ke tîya de bêrê girewtiş, eynî wextî de belgeyê ma yê helwestî yê.”

 

Komîteya Îdarekardişanê Herêmî yê Demokratîkî yê Partîya Têduştî û Demokrasîyê Şaran (DEM Partî) Mersîn de bi sloganê “Komun Şaredarî yo, Şaredarî Komun a” konferansêk organîze kerd. Konferans ke endamê meclîsê şaredarîye yê Mêrsîn, Hatay, Edene û Konyayî tewrê ci bîyî, Qesra Kongreyî ya Şaredarîya Bajarê Girdî ya Mersînî de ame organîzekerdiş. Konferans ke Verfekê Komîteya Îdarekardişanê Herêmî yê Demokratîkî Berpirsîyar Mehmet Ruştu Tiryaki û Canan Kebenç Ozkan zî tewrê ci bîyî de, bi deqeyêk rêzgirewtişî dest pêkerd.

 

Mehmet Ruştu Tiryakî ke qiseykerdişê akerdişî yê konferansî kerd, dîyar kerd ê îdarekardişê herêmî de tecrubeyê 27 serranî wayîr ê û ê di serrî ra reyke konferansanê wina organîze kenê. Mehmet Ruştu Tiryakî dîyar kerd ke nê konferansan de, partîya înan îdarekardişê herêmî û ekolojî zî mîyan de zaf polîtîkayan dîyar kena û va: “Ma polîtîkayê xo bi rexnekerdiş û xorexnekerdişê çîyanê ke ma demê verênan de kerdî û nêkerdî vejenê orte. Qerarê ke tîya de bêrê girewtiş zî belgeyê ma yê helwestî yê. Dimayê ke konferansê herêmî peynî bibê, ma do 8-9ê hezîrane Amed de konferansêk merkezî organîze bikerê. Wa nê konferansî bibê wesîleya azadkerdişê şarê kurdî û bi taybetî yê Rayberê Şarê Kurdî.”

 

Dimayê qiseykerdişî, sînevîzyonêk ke Rayberê Şarê Kurdî Abdullah Ocalanî şaredarîyanê komunal ser o qal keno ame mojnayîş.

 

Dima ra konferans bi hawayêk çapemenîye rê girewte, dewam kerd.​​​​​​​​​​​​​​​​