MERKEZÊ XEBERAN - Neql bî ke binê zordarî û tehdîdanê rejîmê Îranî de rewşa çar tepişteyanê sîyasîyê ke Zîndanê Yezîdî yê Îranî de yê tehluke de yê ke yew înan Zeyneb Celaliyan a. Rewşa weşîye ya Zeyneb Celaliyan xerab bena û vernîya dermankerdiş aye yeno girewtiş.

 

Malpera Vengê Destbendkerdeyanê Kurdî û Îranî, derheqê rewşa tepişteyanê sîyasîyê Zîndanê Yezîdî yê Îranî û zordarîyanê rejîmê Îranî raporêk vila kerd.

 

Rapor de neql bî ke rewşa weşîye ya tepişteya sîyasî Zeyneb Celaliyan a ke cezaya muebetê giranî girewte, pêwa hîrê tepişteyanê sîyasîyê bînan Perîsa Kemalî, Dr. Hemîd Qerehesenlû û Hecet Elîzadganî yê ke Zîndanê Yezîdî de yê, xerab bena û nêverdenê ke bêrê dermankerdiş.

 

Dîyar bî her ke şino rewşa weşîye ya Zeyneb Celaliyan a ke tepişteya cinîya sîyasîya tewr kane ya xerabêr bena. Zeyneb Celaliyan serra 2007ine ra zîndan de ya û bi serran nêweşîyanê giranan dir têkoşîn kena.

 

Malpere va ke îrtîbatê tepişteyan keyeyê înan dir ameyo birnayîş, zordarîyê asayîşî zêde bîyî, averşîyayîşê dewaya înan bi sebebê vîndîbîyayîşê rewşêk nêdîyarî de ame verdayîş ke na rewşe zî cuya înan eşte tehluke.​​​​​​​​​​​​​​​​