AMED - Qezaya Erxenî de birûsk 3 tutan ser o kewt. Tutan ra 2 înan dinyaya xo bedelnayî û yew zî giranî birîndar bi.

 

Baxçeyê dibistanêk sereyîne yê qezaya Erxenîye ya Amedî de, birûsk darêk ser o kewt. 3 tutê ke binê dare de bî Serkan Yildirim (13) û Kasim Yildirim (14) dinyaya xo bedelnayî û M.Y. zî giranî birîndar bi.

 

Dimayê ke kesanê derûdorî xeber da, xebatkarê weşîye sewqê cayê hedîse bîyî. Dimayê mudaxeleyê verêne birîndar sewqê nêweşxaneyî ame kerdiş. Serkan Yildirim û Kasim Yildirim ke Nêweşxaneyê Dewlete yê Erxenîye de ameyî dermankerdiş, pêwa heme mudaxeleyê doktoran zî dinyaya xo bedelnayî.

 

M.Y. yo ke Nêweşxaneyê Perwerde û Cigêrayîşî yê Gazî Yaşargîlî yê Amedî de yeno dermankerdiş, rewşa ci giran a.​​​​​​​​​​​​​​​​