Şehrîban Aslan

 

DÊRSIM - Pêwa ke her roje agahîyê neweyî dewaya Gulistan Dokuyî de vejîyenê orte, êdî eşkera bîyo ke çira dozgerî cipersayîş nêdayo polîsan. Goreyê agahîyanê ke ameyî bidestkerdiş dîyar bî ke semedê ke dozgerî bawerîya xo polîsan rê nêanî cipersayîş nêdayê înan.

 

Dima cipersayîşêk neweyî yê derheqê Gulistan Dokuye de her şino agahîyê neweyî vejîyenê orte. Nê averşîyayîşanê neweyî yê ke ameyî bidestkerdiş mîyanê de persê esasî no yo ke çira cipersayîş nika hetê leşkeran ra yeno domnayîş hetê polîsan ra nê. Goreyê belgeyanê vejîyayî, polîsî zaf qeydê vîdyoyî yê ke sey delîl ameyî waştiş dozgerî rê pêşkêş nêkerdî.

 

Dozgerî dîyar keno ke dîmenê verê kewtişê binherre ke Engîn Yucer uca de bî çin ê û dîmenê bîyaye zî zaf dûrî ra ameyê girewtiş.

 

Sewbîna vejîya orte ke dosya de şoferê wesayîtanê ke Dêrsimî û Xerpêtî ra ver bi zanîngehe şîyî, qeydê FEDAŞ PTSyî de tespîtkerdişê wesayîtan saetê ke ganî ameybî tespîtkerdiş de nêameyo tespîtkerdiş. Pêwa ke dozger dîmenê mîyanê saet 11.00 û 16.00î waşt, polîsan dîmenê mîyanê saet 16.00 û 17.00î şirawitî.