MERKEZÊ XEBERAN- Komîteya Wezîran a Konseya Ewropa 15-17ê êlule 2025î de babeta “Heqê Hêvî” yê Rayberê Şarê Kurdî Abdullah Ocalanî girewtbi rojevê xo, heta hezîrane wext dabî Tirkîya ke qerarê “Heqê Hêvî” bîyaro ca.

 

Avukatanê Buroyê Huqûqî yê Seserre, waştişnameyê xo Komîteya Wezîran ê Konseya Ewropa rê erşawit. 

 

Waştişnameyî de nê madeyan ca girewt:

 

“Hukmat heta nika tu gamêk nêeşta ke qerarê Mehkemaya Heqanê Merdimîye ya Ewropa (MHME yê dewaya Ocalanî ya 2. de (derheqê madeyê 3. yê AîHMî de, heqê hêvî yê mahkumanê ke cezaya hepsê ebedî yo girankerde girewta) reyde pê bigîro. Coka ma pêşnîyaz kenê ke kombîyayîşê komîteya şima yê 1537. de bêro erjnayene. Nîşaneyê hişyarîya ke şima seba Tirkîya amade kerdo, ganî newe ra bêro amadekerdene û eşkerakerdene.

 

Her çiqas ke derheqê tedbîranê pêroyîyan de 12 serran ra vêşêr vîyarto tu game nêameya eştene. Coka goreyê madeyê 46/4 yê Peymane ganî prosedurê binpaykerdişî dest pêbikero.

 

Ganî hukmatê tirkîya goreyê prensîbê ke qeraranê AîHMî de ameyê vatene, bi huqûqê Tirkîya de bê tu cîyakerdişî qanûnê azadbîyayîşî bîyaro ca û qanûnê ke vernîya naye gênê bivurno. Ganî na babete de zî hukmatî rê vengdayîş bêro kerdene.”