MERKEZÊ XEBERAN - Şengal de bi nameyê Partîya Ciwanên Êzidî partîyêke newe ameye awankerdiş. 

 

Şengal de partiyêke newe ya êzidiyan ê bi nameyê Partîya Ciwanên Êzidî awan bî. Partîya neweyî ewro saete 10.30ine de Salona Hanoverî ya merkezê Şengalî de yewine kongreya xo bi sloganê "Edalet, Azadî û Demokrasî" dest pêkerd.

 

Pêwa beşdarîya 200 delege û meymanan, temsîlkarê partîyê siyasî yê êzidiyan, temsîlkarê rêxistinê cinî û Şengalî, temsîlkarê Îdarekarê Meclîsê Şarî yê Şengalî, şexsîyetê diyar ê êzidî zî kongre de amade yê. Kongre bi amadebîyayîş û çimdarîyê Heyetê Weçînayîşê Xoserî yê Partiyê Siyasî yê Iraqê domîyeno.

 

Kongre bi deqîqeyêk rêzgirewtişî semedê pêro şehîdanê fermanî û Şengalî dest pêkerd. Qiseykerdişo ewilî hetê Merwan Xwedêda ra ame kerdiş, Merwan Xwedêda sere de awanbîyayîşê partî temamê cimatê êzidî rê pîroz kerd û wina dest bi qiseykerdişê xo kerd: "Ma Partiya Ciwanên Êzîdî kongreya xo ya yewine ra neql kenê. Na partî sey partiyêke Iraqî ya niştîmanî yena naskerdiş ke armancê ci yewkerdişê vatişî, xurtkerdişê bîyayîşê xo wareyê sîyasî de û pawitişê berjewendiyê şarî û welatê me bi hemkarîya pêro hetan."