MERKEZÊ XEBERAN - Goreyê SOHRî destpêkê emserî de tewr tay 80 tutî û 51 cinî herêmê cîyayê Sûrîye de ameyî qetilkerdiş.

 

Merkezê Çimdarîyê Heqê Merdiman ê Sûrîye (SOHR) dîyar kerd ke sebebê nê qetilkerdişan, teqîyayîşê çekanê ketoberî, teqîyayîşê mayînî û berardişê şerî û hêrişî yo.

 

Goreyê eynî çimeyî, çeleyî de 33 cinî û 39 tutî semedê teqîyayîşê çekanê ketoberî, berardişê şerî, qetilkerdişanê semedê nasnameyanê mezhebî, gulevaranî, mayînî, bomba û dronê Tirkîya ameyî qetilkerdiş. Sibate de 15 cinî û 28 tutî ameyî qetilkerdiş, xeylê înan zî semedê teqîyayîşê berardişê şerî yo. Adare de 3 cinî û 13 tutî, semedê teqîyayîşê berardişê şerî, sucê edlî û felaketê xozayî ameyî kiştiş.