Oznûr Deger

 

MÛŞ - Hemverfeka OHD’yî ya Mûşî Berfîn Demîrtaş raporê komîsyonê meclîsî ercnayîş kerd û va: “Ganî Birêz Ocalan goreyê ruhê prosesê heqê hêvîye ra feyde bigîro. Tirkîya ganî semedê endamê rêxistine ke wazenê agêrê Tirkîya gumanan orte ra wedarno.”

 

Venga “Aştî û Cimatê Demokratîkî” ke Rayberê Şarê Kurdî Abdullah Ocalanî 27ê Sibata 2025ine de kerd ser o, yew serre derbas bî. Meclîs de çarçeweya prosesî de Komîsyonê Piştîdayîşê Mîlî, Wayê-Birayî û Demokrasî ame awankerdiş û komîsyonî raporê xo temam kerd û da meclîs. Raporo ke 110 rîpelî pê yeno, 7 sernameyê esasî yê sey “Xebatê komîsyonî”, “Hedefê esasî yê komîsyonî”, “Huqûqê Têduştî û Kokê Tarîxî yê Têduştîya Tirk-Kurdî”, “Wareyê mutabakatê kesê qanûnî yê derheqê prosesî”, “Pêşnîyazîyê sererastkerdişê qanûnî yê derheqê prosesê”, “Pêşnîyazîyê derheqê demokratîkbîyayîşî”, “Fehskerdişê PKK û veradayîşê çekan” û xeylêk sernameyê binî pê yenê. Derheqê raporo ke kêm yeno dîyayîş de rexne yeno kerdiş û yeno pawitiş ke zemînê huqûqî meclîs de bêro awankerdiş.

 

Hemverfeka Komeleya Huqûqnasê semedê Azadîye (Berfîn Demîrtaş) derheqê raporê komîsyonî de qisey kerd.

 

‘Ganî lezkî goreyê raporî sererastkerdişê qanûnî bêrê kerdiş’

 

Berfîn Demîrtaş da zanayîş ke rapor bi qîmet o û wina va: “Semedê averşîyayîşê raporî wina bawerîya cimatî zî zêde bena. Raporo ke babeta qiseykerdişî yo nika û tepîya ra ganî derheqê gamê demokratîk û sererastkerdişê qanûnî bibo. Rexneyê amadekerdişê raporî de ameyî kerdiş, şerhê ameyî dayîş semedê xurtbîyayîşê prosesî û awankerdişê zemînê saxlem ameyî kerdiş. Nika û tepîya ganî goreyê raporî sererastkerdişê qanûnî bêrê kerdiş.”

 

‘Heqê hêvîye’

 

Berfîn Demîrtaş dîyar kerd ke destpêkê prosesî de heqê hêvîye yeno ziwan, labelê pêwa nê rapor de baş ser o nêameyo vindarnayîş û va: “Bendewarîya cimatî derheqê heqê hêvîye de estbî û no zî huqûqî yo. Her wina proseso ke demokratîkbîyayîş hedef yeno kerdiş de ganî derheqê caardişê qeyûman de zî ercnayîşêk bibo. Nika û tepîya hemkarîya baro û rêxistinê huqûqî dir bi dayîşûgirewtişê fikr û ewnîyayîşê nê hetê huqûqî yê prosesî bêro xurtkerdiş. Rapor de ziwano ameyo şuxilnayîş zî ca de nîyo. Termê ‘terorî’ yê rapor de ameyo şuxilnayîş goreyê ruhê prosesî nîyo.”

 

‘Ganî endamanê rêxistine dir sîyaset bêro kerdiş’

 

Berfîn Demîrtaş dewam de bale ant ser sernameyê ‘Derheqê prosesî de pêşnîyazîyê sererastkerdişê qanûnî’ yê raporî de û va: “Semedê endamê rêxistine yê ke çeke veradayî agêrê Tirkîya ganî no qanûn adîl û pêroyî bo. Nê qanûnî dir ganî cuyayîşêke adîl û guman orte ra bêrê wedarnayîş, bêro hedefkerdiş. Babeta caarfişê qerarê DMME’yî de kêmî est ê. Ganî nê qerarî bêkêmasî bêrê caardiş. Her wina hewcedarî bi destûrê bingehîn yê neweyî est o.”