Melek Avci

 

ANQARA - Endama Meclîsê Cinîyan ê Partîya DEMî û aktîvîsta TJA’yî Gulbahar Gunduz da zanayîş ke emser binê versîya hêrişê destkewtişê cinîyan ser, zextê sîyasî, feqîrî û qetilkerdişê cinîyan 8ê Adare pêşwazî kenê û va: “Pîlkerdişê piştîdayîşê cinîyan û mûnayîşê xeta têkoşînê enternasyonalîstî ferz o.”

 

Cinî prosesêk ke hêrişê destkewtişê cinîyan ser o zêde bîyî, feqîrî û şîdetê cinîyan ser o zêde bîyo 8ê Adare pêşwazî kenê. Labelê pêwa heme hêrişan cinî emser zî xeta pîlkerdişê têkoşînî vejenê orte.

 

Endama Meclîsê Cinîyan a Partîya DEMî û aktîvîsta TJA’yî Gulbahar Gunduz derheqê pêşwazîkerdişê 8ê Adare de qisey kerd.

 

Serra derbasbî bi qetilkerdişan derbas bî

 

Gulbahar Gunduz va, 8ê Adare hem roja destkewtişî hem roja xoverdayîşî ya û va: “Bi serran ma sey roja pîlkerdişê têkoşînî nêzdî benê. Serra derbasbî bi qetilkerdişê cinîyan, mergê biguman, hêrişan derbas bî. Serra keyeyî ke îlankerdî de cinsperestî, nîjadperestî gûr kerdî û no bi qanûnê ke dewlete veta sînor nîyo. Bi qanûnê ke vetî çapemenî bi organîzekerdişî propagandayê nê çî kerd. Rojanê vîyarte de rojêke de 6 cinî ameyî qetilkerdiş. Gumanbarê Gulîstan Doku hîna nêameyî vînayîş. Labelê hetê ma de gumanbarî dîyar ê. Rojîn Kabaîş ameye qetilkerdiş. Gumanbar diyar ê labelê çi heyf yenê pawitiş.”

 

‘No îtîrazê her cinîye hemverê nê sîstemî yo’

 

Gulbahar Gunduz dîyar kerd ke mîtîngo ke cinî anê têhet de rojeve Şorişê Cinîyan a Rojawanî bî û heqê ke ameyî bidestkerdiş bîyî. Gulbahar Gunduz wina va: “Hêrişê sîstematîk yê cinîyan ser o heme cayê dinya de yenê ciwîyayîş. Ewro heme cayê dinya hemverê hêrişê cinîyan ser o îtîraz berz beno. Nê îtîrazî her cinîye hemverê nê sîstemî yo. Tirkîya ewro bi seyan cinîyê ke têkoşîn kerdê, sere nêtewênenê û ameyê tepiştiş est ê. No 8’ê Adare de zî nê hêrişî dewam kenê. Cinîyan hemverê nê xeta têkoşînê zaf hetî hîra kerdê, mûnayê û têkoşîn domnayê. Afganîstan de cinî hemverê rejîmê Talîbanî vengê xo berz kerdî. Îranî de cinî hemverê rejîmê molla bi sloganê ‘cinî cuyayîş azadî’ sere wedarnayî û pêlê serewedaritişî pîl kerdî. Cinîyê Fîlîstînî hemverê Îsraîl û hêzê hegemonî sere nêtewênayî û têkoşîn domnayî.”

 

Motîvasyon û rayîrê ma şorişê cinîyan o

 

Gulbahar Gunduz peynîya qiseykerdişê xo de wina ard ziwan: “Rojeva ma şerê Rojawanî bî. Têkoşînê ma behs kenê Rojawan de kewt cuyayîş û somut bî. Nê semedî ra zerrîya ma uca erzena. Cinîyê Rojawanî têkoşîn domnayî û cuyayîşêk newe awan kerdî. Dîyarîya heme cinîyanê dinya kerdî. Hêrişê hemverê Rojawanî bi armancê zorberdişê destkewtişê Rojawanî yo. Şorişê cinîyan ê Rojawanî bi têkoşîn ame bidestkerdiş. Nê semedî ra vanê motîvasyon û rayîrê ma şorişê cinîyan ê Rojawanî yo. Ma veng danê ke ganî xeta têkoşînê cinîyan a enternasyonalîst zî bêro mûnayîş. Xeta têkoşînê ma yê emser zî zaf zelal a. Hemverê hêrişê cinîyan ser o pîlkerdişê piştîdayîşê cinîyan û mûnayîşê xeta têkoşînê enternasyonalîstî ferz o.”