MERKEZÊ XEBERAN - 33 roşnvîrê ke mîyanê înan de nameyê kesanê ke qadê mîyanneteweyî yenê şinasnayene, sey Edgar Morîn, Alain Badiou, Slavoj Zîzek û Michael Lowy est ê, seba Rayberê Şarê Kurdî Abdullah Ocalanî vengdayîşê caardişê “heqê hêvî” kerd.

 

Deklarasyonê bi sernameyê “Seba Abdullah Ocalanî Heqê Hêvî yo Mîyaneteweyî” de wina ame vatene: 

 

“Ma venga heme hêzanê demokratîk, laîk û averşîyayoxanê dinya danê ke goşdarîya Ocalanî bikerê.”

 

Deklarasyon Heyetê Îmrali, Komîserê Heqanê Merdiman ê Konseya Ewropa, Komîsyonê Ewropa û temsîlkaranê Parlamentoyê Ewropa rê zî ame erşawitene.

 

Deklarasyonî de wina ame vatene:

 

“Ocalan bi hêzê yewbîyayîşo tarîxî yê şaranê tirk, kurd, ereb û farsî azadkerdişêko nêteweyî yo aştîperwer û demokratîk pêşkêş keno. PKK’yî xo fesih kerd û têkoşînê çekdarî qedêna. Şerê Sûrîye bi vengdayîşê Ocalanî qedîya û prosesê entegrasyonî dest pêkerd. Wext ameyo ke heqê hêvî bêro caardene. Ocalan ganî bieşko serbest bixebitîyo û şarê kurdî bieşko vengê rayberê xo bieşnawo.”

 

Kesanê ke vengdayîş kerd

 

Mabênê îmzakeranê de kesê namdarî est ê ke akademîsyen û aktîvîstê ke qadê felsefe, teorîyê sîyasetî, sosyolojî û beşê heqanê merdiman de yenê şinasnayene. Nê kesî wina yê:

 

Edgar Morîn, Alaîn Badîou, Jacques Rancîere, Axel Honneth, Gayatrî Spîvak, Angela Davîs, Nancy Fraser, Slavoj Zîzek, Enzo Traverso, girewtoxê Xelata Nobelî ya Aştî Jody Wîllîams.