MERKEZÊ XEBERAN - Kobanê ke 20ê Çeleyî ra binê ablûqa de yo, rayîrî yenê padayîş û sivîlî yenê kiştiş. Sewbîna keyeyê kurdê ke ameyê koçberkerdiş yenê talankerdiş. Sere de bajarokê Çelebî û Sirîn de talanê bi destê çeteyê dewleta tirkan û Şamî dewam keno.

 

Kobanê ke ablûqa dewam keno kewt roja 36ine, çeteyê girêdayeyê Hukmatê Demkî yê Sûrîye û Tirkîya 20ê çeleyî ra rayîran padanê û dewe û wareyê bejayî yê Kobanê heta roja ewro xeylêk sivîlî bi hovane qetil kerdê.

 

No qîm nêkerd, kewtî keyeyê kurdê ke cayê xo ra ameyê kerdiş, mal û milkê înan bi rengêk sîstematîk ameyê talankerdiş, dizdî ame kerdiş û no zî hema dewam keno.

 

 

Dimayê vengkerdişê dewan çeteyê ke na rewşe sey firsend vînayî, kewtî cayê roniştoxê kurdan û eşyayê madî û manewî yê merdiman talan kenê.