MERKEZÊ XEBERAN - Koordînasyonê KJK’yî venga herkesî da ke seba naskerdiş û garantîkerdişê statuyê xoser ê şarê Şengalî bi şeklanê diplomatîk, sîyasî û bi bingeyê pawitişî bixebitîyê.

 

Koordînasyonê Komalê Cinîyanê Kurdistanî (KJK) derheqê zext û kayê neweyî yê hukmatê Iraqî yê Şengalî ser o eşkerayîyêke da.

 

Eşkerayîya KJK’yî bi nê rengî ya:

 

“Ma Dinya de Şerê Dinya yê Yewinî ra dima krîz û kaosê tewr girdî de yê. Nêeşkîyayîşê dewamkerdişê sîstemê netewe-dewlete û îflasê dinyaya qutubine îfadeyê bîyayîşê krîzî yo bingeyin o. Rojhelatê Mîyanên û Kurdîstana ke bi çar parçeyan ameya parçekerdene merkezê Şerê Dinya yê Hîrêyinî ya ke hîna zaf xorînêr beno.

 

Ame vatene ke hêrişê qirkerdişî ke vera Rojava dest pêkerdê, sey komployê dîyin ê 15ê sibate, nika bi planê qirkerdişê yo ke vera Şengalî yo dewam keno.

 

Operasyonê leşkerî û cehdê çinkerdişê rayberîya xoser a Şengalî do hêrişo dîyin ê gird ê DAÎŞ’î bo.

 

Şengal sembolê cinîyan ê dinya, kurdan û heme şaran û bawerîyanê bindestan o. Hêrişo dîyin ê vera Şengalî do bibo qirkerdişo newe yê cinîyan, kurdan û bawerîyan bo.

 

Herinda ke bikewê kayê hêzê komplogeran ê ke wazenê kurdan pêkewtişî reyde rî bi verdê, ganî şarê kurdî û bawerîya êzîdîyan reyde aştî û çareserkerdişanê stratejîk esas bigîro. Hemparîya bi planê ke Wezîrê Karanê Teberî yê Tirkîya Hakan Fîdanî kerdo, xespkerdişê îradeyê şaranê Îraqî do bo. Tena rayîro ke nê kayî pûç bikero naskerdişê estbîyayîşê şarê kurdî yê destûrî û dewamkerdişê sîstemê îdarî û naskerdişê statuyê xoser ê Şengalî yo.

 

Ganî hemverê hêrişanê vera Şengalî sey seferberîya yewîya neteweyî ya ke seba Rojava virazîyaye, herkes vindero. Kurdî û cinîyî êdî çinkerdiş û bêstatuverdayîş rê tehemul nêkenê. Teberê ‘Yan Azadîye Yan Azadîye’ ra çareserkerdişêko bîn çin o.”

 

KJK’yî tewr peynî venga heme awanîyanê cinîyan û derûdorê çepê demokratîkî da ke hemverê planê qirkerdişî de ganî paştî bidîya şar û cinîyanê Şengalî û vat: “Hêzê xoverdayîşê şarê ma senî ke heta nika serkewt, do reyna serkewo.”