RIHA - Rojnamegere Ceylan Şahînlî, bi sebebo ke beşdarê vîrardişê rojnameger Nazim Daştan û Cîhan Bîlgîn yê ke hêrişê Tirkîya de ameyî qetilkerdiş bîye, dewa ameye akerdiş.

 

Derheqê rojnamegere Ceylan Şahînlî ke beşdarê vîrardişê rojnameger Nazim Daştan û Cîhan Bîlgîn yê ke 23ê Kanûna 2024ine de hêrişê bi SÎHA’yî yê Tirkîya de ameyî qetilkerdiş bîye, îdianame ame amadekerdiş. Muxabira Ajansa Xeberan ê Mezopotamya (MA) Ceylan Şahînli ke beşdarê vîrardişê Pirsûsî bîye, hetê Serdozgerîya Komare ya Pirsûsî ra cipersayîş ame destpêkerdiş, dimayê cipersayîşî bi sûcê “Muxalefetê Qanûnê Kombîyayîş, Protesto û Rayîrşîyayîş” de derheqê aye de îdianame ame amadekerdiş. Îdianame hetê Dadgeha Asliye ya Pirsûsî ra ame qebûlkerdiş.

 

Pêwa Ceylan Şahînlî, bi eynî sebebî derheqê Hemserekê DBP’yî yê Amedî yê verê Mehmet Şîrîn Gurbuz, Hemsereka DEM Partîye ya Dîlokî ya verê Hacer Ayhan û Hemserekê DEM Partîye yê Rihayî Bekîr Karakeçîlî de îdianame ame amadekerdiş.

 

Yeno pawitiş ke rojê bêrê de tarîxê roniştişî bêro dîyarkerdiş.