ANQARA - Kesê Meclîs de wendekarê stajyerî tacîz kerdibî, amebî veradayîş. 4 versûcan 3 ci ra ancî ameyê tepiştiş. Semedê versûcêk firarî zî qerarê tepiştişî ame dayîş. 

 

Wendekarê dibistana amadeyî yê stajyer ke çarçewaya bernameyê Merkezê Perwerdeyê Meslegî (MESEM) de Meclîs de xebityenê, hetê xebatkaranê Meclîsî ra amebî îstîsmarkerdiş û rastê tacîzî amebî. Roniştişê 2yîne ê dewa ke 9ê sibate de amebî organîzekerdiş, semedê 4 versûcê qerarê tehlîyeyî amebî dayîş. Labelê Serdozgerîya Komare ya Anqarayî hemverê qerarî îtîraz kerd. Dimayê qebûlkerdişî îtîrazî, derheqê 4 versûcan de ancî qerarê tepiştişî ame dayîş. 

 

Dimayê qerarê, 4 versûcan 3 ci ra ameyî tepiştiş. Ame zanayîş ke versûcekê nameyê ci nêame zanayîş zî firarî yo. Semedê tepiştişê versûcê firarî qerarê cigêrayîşî ame dayîş.