MERKEZÊ XEBERAN – Ame neqlkerdiş ke Rojhelatê Kurdistanî û Îranî de demê protestoyan de zêdeyêrî 6 hezar kes ameyî qetilkerdiş û zêdeyêrî 49 hezar çalakîkerî zî ameyî destbendkerdiş.

 

Rêxistina Heqê Merdiman a HRANA’yî bîlançoyê newe kiştiş, birîndarbîyayîş û destbendkerdişê ser o demê prorestoyanê Îran û Rojhelatê Kurdistanî de vila kerd.

 

Goreyê dayeyê HRANA’yî, 28ê kanûna 2025ine ke çalakîkeran dest pêkerdî û heta nika 6 hezar û 842 çalakîkerî ameyê qetilkerdiş. 49 hezar û 70 çalakîkerî ameyê destbendkerdiş. Sewbîna 11 hezar û 21 çalakîkerî birîndar bîyê.

 

Ame dîyarkerdiş ke mîyanê çalakîkeranê ke ameyê qetilkerdiş de 146 înan ra tutê ke emrê înan cêrê 18 serrî de bîyê. Sewbîna 214 înan ra zî endamê hêzê asayîşî yê rejîmê Îranî bîyê, 57 kesî zî welatijê ke tewrê protestoyan nêbîyê labelê ameyê qetilkerdiş.

 

Sewbîna ame dîyarkerdiş ke 11 hezar û 46 kesî vengdayîşê sazgehê asayîşî ameyê kerdiş û îfadeyê bi zorî yê 296 çalakîkerî zî ameyê tomarkerdiş.