Melek Avci

 

ANQARA – Endama KE’yî Laura Castel va: “Ganî vengdayîş hukmatê Sûrîye bikerê ke destûrê bingehînî yê ameyoxî de heqê tayînkerdişê qedera xo semedê kurdan bêro naskerdiş. Heme şarî wayîrê nê heqî yê. Şertê Neteweyê Yewbîyaye de zî nê heqî yenê naskerdiş.”

 

Endama Meclîsê Temsîlkaran a Îspanya Senatora Katalan û endama Meclîsê Parlamentere ya Konseya Ewropayî Laura Castel derheqê rewşa Rojawanî û Kobanê de qisey kerd.

 

‘Nê problemê sînorî nîyo no problemê global o’

 

Laura Castel wina dîyar kerd: “Goreyê mi no stratejîyê mîlîs û hukmatê tirkî yo. Semedê piştîdayîşê çek û teyareyê bêmerdimî danê mîlîs û hukmatê demkî. Bi çekê ke hukmatê tirkî danê, bombebaran kenê. Nê semedî ra zî qetî no stratejîyêk o, problemê sînorî nîyo. No problemê global o. Bêguman problemê herêmî zêdeyêr o. Sey problemê herêmî bo zî welatê mîyanneteweyî zî eleqedar keno. Na rewşêka tarîxî ya. No girêdayeyê rewşa Xezeyî, Îranî û her çîyî yo. Goreyê mi heme girêdayeyê yewbînan ê.”

 

‘Ganî şarê kurdî azad bibo’

 

Laura Castel dîyar kerd ke demo ke kurdî benê babeta qiseykerdişî, cimatê mîyanneteweyî û sazgehê Ewropayî vatişê heqê merdiman açarnenê rejîmê îstîsnayî û wina dîyar kerd: “Nêzanê ke kurdî, cinîyê kurdî, têgêrayîşê kurdî çiqas xurt ê. Nê semedî ra lazimî est o ke cimatê mîyanneteweyî babeta azadkerdişê şarê kurdî, sîyasetê şarê kurdî de bêro agahdarkerdiş.”

 

‘Yewine yê ke têkoşîn kenê cinîyê kurdî yê’

 

Laura Castel dîyar kerd ke bîyayîşê nê nêzdîbîyayîşê averşîyayîşî, sîyasetû averşîyayîşê Rojhelatê Mîyanên, Afganîstan, Îranî de lazim o û wina dergî da: “Nê semedî ra no ferz o û ganî cimatê global na babete de zêdeyêr wayîrê agahî bibo. Semedo ke her kes Trump, Groland û Ukraynayî vîneno. Labelê şarê kurdî bi tena mend û zîndanê DAIŞî ameyî vengkerdiş. No bi dej û sadîstî yo. Yewine hetê têkoşîn keno şarê kurdî yo, cinîyê kurdî yê. Bi serkêşîya cinîyanê kurdan no xoverdayîş yeno dayîş.”

 

‘Ganî destûrê bingehîn de vengdayîşê tayînkirdişê heqî bêro kerdiş’

 

Laura Castel wina ard ziwan: “Tirkîye de prosesê aştî û cimatê demokratîk dest pêkerd. Goreyê mi prosesê aştîye sabotaj o. Goreyê mi boykotkerdişê prosesê aştîye yê Tirkîya demêko derg ame plankerdiş û stratejîyêk o. Ganî konseyê Ewropayî, rêxistinê heqan vengdayîşê cipersayîşêk mîyanneteweyî bikerê û sewbîna vengdayîşê hukmatê Sûrîye zî bikerê ke destûrêk bingehîn ke kurdî qedera xo bi xo tayîn keno, awan bikerê. Heme şarî wayîrê heqî yê ke qedera xo bi xo tayîn bikerê. Mi kurdan, avûkatan, rojnamegerê kurdan dir kombîyayîş kerd. Ma wazenê na babete de hişmendî awan bikerê. Ma vengê xo berz kenê û wazenê na babete de qisey bikerê. Ez do her tim têkoşînê kurdî dir piştîdayîşî de bî.”