MERKEZÊ XEBERAN - Parlamenterê Partîya Sosyalîzm û Azadîye ya Brezîlyayî (PSOL) û Cepheyê Çepgiran ê Arjantînî (Frente de Izquierda) hemverê hêrişanê leşkerî yê vera Rojava vengdayîşê piştgirî kerd.

 

PSOL û Cepheyê Çepgiran eşkerayî û mesajê xo yê bi vîdeo de nerazîbîyayîşê xo vera hêrişanê HTŞ û SMO’yî mojna.

 

Rayberîya Neteweyî ya PSOL’î da zanayene ke hêrişê leşkerî yê vera Rayberîya Xoser a Vakur û Rojhelatê Sûrîye (DAANNES) hemverê rayberîya demokratîk û şarpawitox hêrişêko rasterast o.

 

Eşkerayî de ame dîyarkerdene ke no proses tecrubeyanê Rojhelatê Mîyanên ê tewr komelkî û demokratîkî ra yew tehdît keno û bale ant tedayanê sîyasî, derheqê heqanê cinîyan de apeyşîyayîş û tedaya rayberanê herême ser o. PSOL’î vengda ke ganî DAANES qadê mîyanneteweyî de bêro naskerdene.

 

Parlamentera Eyaletê Buenis Aires ê Yewîya Cepheyê Çepgiran ê Arjantînî Monica Schlothauer zî mesajê xo yê bi vîdeo de hêrişî sey “polîtîkayêka qirkerd” erjnayê.

 

Monica Schlothauer dîyar kerd ke ê paştî danê têkoşînê şarê kurd ê azadîye û dîyarkerdişê çarenusê xo û da zanayene ke înan pêşnimûneyî şermezar kerdo û piştgirîye pêşkêşê Meclîsê Eyaletê Buenis Airesî kerdo. Mesajê xo de bi taybetî xoverdayîşê cinîyan ê Rojava silam kerd.

 

Parlamentera PSOL’î Maria Naconchi zî dîyar kerd ke hêrişan berpirsîyarîya hêzanê herême û hêzanê mîyanneteweyî dest pêkerdo, îfade kerd ke pawitişê tecrubeya Rojava ya şarpawitox û azadîya cinîyan esas gêna, hetê têkoşînê şaranê dinya ra xeylê muhîm a û vengdayîşê xurtkerdişê piştgirîya mîyanneteweyî kerd.