AMED- Polîsan serê sibayî eşt keyeyê vilakerdoxa rojnameyê Yenî Yaşamî Zîlan Gul ser o û aye keye de destbend kerd.

 

Polîsan Amed de serê sibayî eşt keyeyê vilakerdoxa Rojnameyê Yenî Yaşamî Zîlan Gul ser o û keyeyê aye yê Amedî de cigêrayîş kerd. Polîsan dimayê cigêrayîşî Zîlan Gul destbend kerd û aye berd Mudirîyetê Polîsan ê Amedî.

 

Komelaya Rojnamegeranê Cinîyan a Mezopotamyayî (MKG) û Komeleya Rojnamegeranê a Dîcle Firatî (DFG), eşkerayîyêke hesabanê xo yê medyaya dîjîtale ser o dayî û vatî, "Ma sereştişê keye û destbendkerdişê hemkara xo şermezar kenê û waştişê serbestveradayîşî aye lezkî kenê."