MERKEZÊ XEBERAN - Hemsereka Heyva Sorî ya Kurde Hediye Abdullah neql kerd ke Kobanê de 4 tutî serdan ra dinyaya xo bedelnayê.

 

Demêko hêrişê HTŞ, DAIŞ û komê paramîlîterî yê girêdayeyê dewleta tirkan hemverê Rojawanê Kurdistanî de dewam kenê de, Hemsereka Heyva Sorî ya Kurde Hediye Abdullah neql kerd ke Kobanê ke binê ablûqa de yo 4 tutî serdan ra dinyaya xo bedelnayê.

 

Hedîye Abdullah va: “Semedê ablûqakerdişê giran ê Kobanê ser, merkezê bajarî de 4 tutî semedê serdî dinyaya xo bedelnayî.”

 

Heme rayîrê ver bi Kobanê ameyê girewtiş; ceyran, awe û derman bajarî rê nêşinê. Pêwa ablûqa, nêbîyayîşê sotemenî û kêmbîyayîşê dermanan, sewbîna vewra ke varîyaya zî şert û mercê cuya şarî zaf giran kerda.