MERKEZÊ XEBERAN - Ame neqlkerdiş ke hêzê çekdarî yê hukmatê Şamî hêriş berdî derûdorê Awbendê Tişrînî. Hêrişê peyîn bi droneyê kamîkaze ame kerdiş.

 

Goreyê agahîyan, çekdarê girêdayeyê hukmatê demkî yê Sûriye ewro saete mabêne 11.00ine û 12:00ine de hêrişê derûdorê Awbendê Tişrînî kerd.

 

Ame neqlkerdiş ke hêriş bi dronê kamikaze ameyo kerdiş û netîce de zirarê madî virazîyayî.

 

Merkezê Neqlkerdişê Hêzê Sûrîyeya Demokratîk (QSD) vizêrî bi eşkerayîyêke dîyar kerd ke komê hukmatê demkî yê Sûrîye saete 16.00ine bi top û çekê giranî derûdorê awanîya Awbendê Tişrînî topvaran kerd û netîce de 3 şervanê uca birîndar bîyî.