MERKEZÊ XEBERAN – Têgêrayîşê Cinîyan ê Kurdan ê Ewropa (TJK-E) semedê faalîyetanê yadkerdişî yê ke bi munasebetê serrgêra qirkerdişê 2013 û 2022ine yê Parîsî bêrê viraştiş, venga tewrbîyayîşî kerd.

 

Têgêrayîşê Cinîyan ê Kurdan ê Ewropa (TJK-E) eşkerayîyêka nuşteyî da, qirkerdişî şermezar kerd û programê faalîyet û merasîmanê ke do zaf bajaran de bêrê viraştiş eşkera kerd.

 

Eşkerayîye de nê çî ameyî dîyarkerdiş:

 

“Serrgêra qirkerdişê Parîsî de ma hêzanê ke qirkerdiş viraştî şermezar kenê. Ma şehîdanê xo yê Parîsî bi minetdarîyêko gird yad kenê û sozê xo newe ra reyna kenê ke vîrardişê înan bidê ciwîyayîş.

 

9ê Çeleyê 2013ine de hemverê yewe awankerdoxa PKKyî, serkêş û awankerdoxa Têgêrayîşê Azadîya Cinîyan ê Kurdan Sakîne Cansiz, mesûla Merkezê Agahîya Kurdistanî Fîdan Dogan û Leyla Şaylemez a ke xebatanê ciwananê welatparêzan de ca gêna, Parîs de bi organîzasyonê MÎTî hêrişêko terorî ame viraştiş. Têkilîyê nê hêrişî yê mîyanneteweyî est ê. No hêriş hetê huqûqî de roşn nêbîyo, labelê PKKyî semedê roşnkerdişê qirkerdişê Parîsî operasyonêk viraşt û 2 endamê MÎTî tepişt. Agahîyê ke endamanê MÎTî dayî, no qirkerdiş derecayêk pîl roşn kerd. Pêwa ke qirkerdiş zafhetî vecîya meydan zî, dewleta Fransa semedê menfeetê xo yê neteweyî hêzanê qirkeran muhakeme nêkerd û no nika problemo bingehîn o. Eke dewleta Fransa pêwa hende agahî-îspat û raya pêroyî, bi çimdarîya edaletî nêzdî bibîyayne û ancî nêzdîbîyayîşêk semedê astengkerdişê qirkerdişî neql bikerdêne, taktîkê viraştişê dosya bi sînorî pê faîlê qirkerdişî nêame taqîbkerdiş. Ancî prosesê netîcedayîşê dosya û derbasbîyayîşê qonaxê dewa de, neqlkerdişê merdişê qatilî hişê merdiman de bi sebebê persan, cinî û hetê kurdan kerd mîyanê gumanî. Bi merdişê qatilî, dosya ameye padayîş. Nê ser o hetê kurdî semedê akerdişê cipersayîşêko newe, waştiş kerd ke hemverê kesanê ke qirkerdiş kerdê, cipersayîş bêro akerdiş. Pêwa ke nê waştişî çend rey red bîyê zî, peynî de qerarê cipersayîşî ame dayîş û rewşa ewroyîne de zî na dosya cipersayîşî ci dewam kena, labelê pêwa dayeyanê zelalan zî averşîyayîş çin o û no ma dano fikrînayene ke beno ke na dosya bêro padayîş.

 

13ine û Qirkerdişê Parîsî 

 

Qirkerdişê Parîsî yê yewine keweno serrgêra xo ya 13ine û Qirkerdişê Parîsî yê dîyine de zî keweno serrgêra xo ya 3ine. Sey têgêrayîşê cinîyanê kurdan ê Ewropa ma mudaxeleyê di dewan ê. Di arêdayîşê delîlan û eşkerakerdişê heqîqetî de ma girêdayeyê faalîyetbîyayîş, viraştişê raya pêroyî û taqîbkerdişê prosesê huqûqî mesûlîyetê xo heta peynî ca bîyarê. Nê semedî ra ma her di dewan zî nêzdî ra taqîb kenê û hewl danê wezîfe û mesûlîyetê xo ca bîyarê. Sey wezîfeyê mesûlîyetê ma ma parekerdişê agahîyanê ewroyînan û qonaxê prosesî raya pêroyî rê sey wezîfe vînenê. Semedê eşkerakerdişê di qirkerdişan û peydakerdişê edaletî ma do emser zî bêmabên faalîyetê xo virazê û newe ra dîyar bikerê ke semedê eşkerakerdişê nê qirkerdişan tewrêbîyayîşê pêro kurdan, cinîyan û sazgehê demokratîkan ê merdimî, huqûqî, wîcdanî û exlaqî yo.

 

Ma do dewamî meydanan de bimanê

 

Peydakerdişê edaletî zehmet bo zî bêmumkin nîyo. Eke semedê peydakerdişê edaletî pêro faalîyetê ke yenê viraştiş, vatişê ke yenê kerdiş û helwestê ke yenê mojnayîş sucdaran aciz bikero, semedê acizkerdişê zêdeyêr ma do dewamî meydanan de bibê. Terazîya edaletî destê cinîyêka ke çimê aye girewtê de ya nîya, eksê ci destê bi hezaran cinîyanê ke çimê înan akerde, hesab persenê û têkoşîn domnenê de ya û pêwa qerardarî û bawerîya ke do a terazî heqîqet peyda bikero ma newe ra şehîdanê xo bi minetdarî yad kenê û dîyar kenê ke şehîdê ma zerrîya ma germ kenê û rayîrê ma roşn kenê.”