MÊRDÎN - Çarçewaya 25ê Teşrîna Peyêne de, nawitişê tîyatroyî yê bêveng û muzîkî yê bi nameyê "Sî" ke hetê Komeleya Kultur û Hunerî yê Mezopotamyayî ra amebî amadekerdiş, Şemrex de organîze bî.

 

Çarçewaya 25ê Teşrîna Peyêne Roja Têkoşînê Hemverê Şîdetî yê Cinîyan ê Mîyanneteweyî de, nawitişê tîyatroyî yê bêveng û muzîkî yê bi nameyê "Sî" ke hetê Komeleya Kultur û Hunerî ya Mezopotamyayî ra amebî amadekerdiş, Merkezê Şarî yê taxa Kayalarî de binê serekîya Şaredarîya Şemrexî ya Mêrdînî de ame organîzekerdiş. Hemşaredarê Şemrexî Kudret Uçuk û Hamdîn Demir û sewbîna Hemserekê Qezaya Şemrexî ya DEM Partî, îdarekarê qeza, endamê Meclîsê Şaredarî, xebatkarê şaredarî û xeylêk cinî beşdarê çalakî bî.

 

Çalakî de, Hemşaredare Kudret Uçuk qiseykerdişêk kilm kerd û muhîmîyê 25ê Teşrîna Peyêne têkoşînê cinîyan de dîyar kerd û va ke ê hemverê her tewir şîdetê cinîyan de yê.

 

Peynîya şanî de, Kudret Uçuk dîyarîyê ke hetê şaredarî ra ameyî amadekerdiş pêşkêşê hunermendê ke beşdarê bernameyî bî kerd.