MERKEZÊ XEBERAN - Zehra (Hanna) Gholamî û Huseyîn (Daniya) Muhammadî yê ke hetê Şubeyê Cezaya û Înfazî ya Dozgerîya Mallardî ra venga înan dîyabi, ameyî destbendkerdiş û dima ra berdîyayî zîndan.

 

Zehra (Hanna) Gholamî û Huseyîn (Daniya) Muhammadî yê Xirîstîyan ke bi sûcê “semedê xirabkerdişê asayîşê welatî viraştiş yan îdarekerdişê kome” di serrî cezaya zîndanî înan rê amebî birnayîş; roja vîyarte de dimayê şîyayîşê Şubeyê Dîyine yê Buroyê Ceza û Înfazî yê Dozgerîya Komarî ya Mallardî, ameyî destbendkerdiş û berdîyayî zîndan.

 

Hêzê asayîşî eştî keyeyo ke semedê amadekarîya pîrozbayîya Nobelî kerdêne, ser o. Kombîyayîş de 25 kesê Xirîstîyanî bîyî, dest dayî heme telefon û hacetê neqlkerdişî û her kes tewr tay nîm saete ameyî cipersayîş. Hewteyêk ra dima zî venga kesê ke beşdarê kombîyayîşî bîyî kerdî û ameyî cipersayîş. Dimayê cipersayîşî, Zehra Gholamî û Huseyîn Muhammadî û Sîrus Xosrawî ameyî destbendkerdiş û keyeyê înan de cigêrayîş ame kerdiş.

 

Waştişê muhakemekerdişê neweyî rê red ame dayîş

 

Zehra Gholamî û Huseyîn Muhammadî û Kourosh Huseyînî yê ke vejîyayî dadgehe, bi bahaneyê “bi armancê xirabkerdişê asayîşê welatî, viraştiş yan îdarekerdişê kome” cezaya zîndanî înan rê dîya. Versûcê çarine yê dosyaye zî bi eynî armancî serrêke cezaya zîndanî înan rê dîya. Qerarê roniştişî hetê Şubeyê 36ine ê Dadgeha Temyîzî ya Tehranî ra ame qebulkerdiş.

 

Dosyaya Huseyîn Muhammadî û Zehra Gholamî bi yê di kesê bînan dir semedê muhakemekerdişê neweyî şirawitî Daîreya 39ine ya Dadgeha Berzî, labelê waştiş ame redkerdiş.