AMED - Siba Amed de bi beşdarîya 750 sazgeh, dezgeh, partî, platform û xeylêk komelan semedê statu û perwerdeyê bi ziwanê kurdkî deklarasyonêk bêro eşkerakerdiş.

 

Înîsîyatîfê Komele ya Semedê Ziwanê Kurdkî do semedê waştişê şarê kurdî yê derheqê ziwanê kurdkî de bi îmza û beşdarîya zêdeyêr 750 sazî, dezgeh, platform, partî û dorê kurdî û demokratîkan ê komelî yê Vakurê Kurdistan û Tirkîya de 18ê teşrîna peyêne saete 13:00ine de Parka Ekîn Cerene ya qezaya Peyasî ya Amedî de bi tewrê girseyî deklarasyonêk rayapêroyî rê pare bikerê.

 

Deklarasyono ke do bi sloganê “Statuya Kurdî - Perwerdeyê bi Kurdkî” bêro dayîş do bi lehçeyanê kurmancî û zazakî yê kurdkî û bi tirkî bêro wendiş.

 

Înîsîyatîfê Komeleya Semedê Ziwanê Kurdkî veng da her kesî ke çalakîya deklarasyonî rê beşdar bibê û waşt ke her kes piştîdayîş bido deklarasyonî.