MERKEZÊ XEBERAN - Rayberê Şarê Kurdî Abdullah Ocalan ke heyetê DEM Partî dir pêvînayîş kerd wina va: “Lazim o dîyardeyê kurdî bi heme hetî tewrê qanûntîyê Komarî rê bêro kerdiş û semedê nê zî prosesêkê derbasbîyayîşî yê xurt esas bêro girewtiş. Derbasbîyayîşê mîyanê qanûnîbîyayîşî bi şiklê diyardeyêk temamî do bingehê huqûqî yê Komara Demokratîke saxlem bikero.”

 

Endamê Heyetê Îmrali yê Partîya Têduştî û Demokrasî (DEM Partî) Pervîn Buldan, Mîthat Sancar û avûkatê Buroyê Huqûqî yê Asrinî Faîk Ozgur Erol, vizêrî Rayberê Şarê Kurdî Abdullah Ocalanî dir pêvînayîş kerd. Heyet, derheqê pêvînayîşî de eşkerayîyêka nuştekî da.

 

Eşkerayîya Heyetê Îmrali yê DEM Partî ke bi Rayberê Şarê Kurdî Abdullah Ocalanî pêvînayîş kerd, bi nê rengî ya:

 

“3ê teşrîna peyêne 2025ine de ma Îmralî de Birêz Abdullah Ocalanî dir pêvînayîşêkê zaf pozîtîf kerd, ke nêzdîyê hîrê seatan dewam kerd. Weşî û moralê ci zaf hêzdar bî. Pêvînayîşî de bi kilmî nê ercnayîşan kerd:

 

Semedo ke proses nika aver bêro berdiş, lazim o tarîx û sosyolojî bi şiklêk hîna cidî bêrê ercnayîş. Muhim o tesbîtê nê bêrê kerdiş ke têkilîyê tirk-kurdan sey di stûnanê di hezar serran resa nê demî. Lazim o nê di stûnî bêrê dîyayîş, famkerdiş, rastkerdiş û bi nê şiklî yewîtî bêro xurtkerdiş.

 

Ne bi nîşankerdişê xêzan, la bi viraştişê asoyêk ke problemanê ma yê rojane zî hewêneno, lazim o ma hereket bikerê.

 

Mîyanê şert û mercanê kêm û sînorkerdoxan de semedê meselaya tarîxî ma mîyanê hewldayîşêk cidî de yê. Ma hewl danê sewîyeyêka pozîtîf virazê, negatîf nê û xirakerde nê. Lazim o dîyardeyê kurdî bi heme hetî ra tewrê qanûntîyê Komarî bêro kerdiş û semedê nê zî prosesêk derbasbîyayîşî yê xurt esas bêro girewtiş. Derbasbîyayîşê mîyanê qanûnbîyayîşî bi şiklê dîyardeyêk temamî do bingehê huqûqî yê Komara Demokratîke saxlem bikero.

 

Îmkanê entegrasyonê demokratîk ke nika hetê serdemî ra verê destê ma de yo, hem herêmî yo hem zî gerdûnî yo. Semedo ke ma eşkenê derbasî sewîyeya pozîtîf bibê, zaf muhîm o nê prosesî de heme kesî bi xesasîyet, cidîyet û resnayîşêk berpirsyarî hereket bikero.

 

Bi hurmetî.”