Evin Çiftçi

 

RIHA - Dayîka tepişteyê se ra 94 astengdar Emîn Gulerî, Emîne Guler reaksîyonê taloqkerdişê înfazê lajê xo mojna û va: “Semedê çi nê prosesî de lajê mi ke cezaya ci qedîyaya, veranêdanê?”

 

Pêvînayîşê ke Komeleya Hiqûqnasanê Azadîye (OHD) Zîndanê Tîpê Ryê Xarpêtî de kerdê, eşkera kerd ke qedexeyê îşkence û muameleyê xirab yê hemverê tepişteyê nêweşan zîndanan de yeno binpaykerdiş û înfazê tepişteyan bi sebebê kêfîyan yeno taloqkerdiş. Vengdayîşê Rayberê Şarê Kurdî Abdullah Ocalanî ke “Aştî û Cematê Demokratîkî” 27ê Sibate de bala heme kesî ant ser rewşa tepişteyan, la nêeştişê gamanê verçimî hetê dewlete, beno sebebê nêrazîbîyayîşî.

 

No proses de, dayîka Emîn Gulerî, Emîne Guler ke teberê ke cezaya lajê ci ya new serran temam bîya û înfazê ci taloq bîyo JINNEWSî rê qisey kerd.

 

‘Lajê mi hema hema merde yo’

 

Emîne Guler va ke lajê ci 9 serrî yo zîndan de yo teberê ke dayeyê astengdarîya ci se ra 94 o û hemverê taloqkerdişê înfazê ci bi nê vatişan reaksîyon mojna: “Lajê mi new serrî yo zîndan de felç o. Wexto ke o şî sînor ser bomba ci de teqîya. Dima ra ey berdî zîndan. Mîgren ra anceno û tesîrê çimanê ci kerdo. New serrî ceza girewt û cezaya xo ant. Lajê mi mi ra zaf dûr o; ez nêeşkena serdanê ci bikerî. Semedê çi înfazê lajê mi taloq kenê? 9 serrî yo tenya yew rey mi serdanê ci kerd. Ez pîr û nêweş a, ez nêeşkena pey ci de şîrî. Ez zaf bêriya lajê xo kena. Lazim o ke wijdan û merhamet bimojnê. Lajê mi felç bîyo û nêeşkeno çîyêk bikero. Lajê mi se ra 94 astengdar o, ez zî nêweş a û ez nêeşkena şîrî serdanê ey. Ma nêeşkenê yewbînan bivînê. Bes o nê caarfişan rê! Nêweşîya ci amayîşê zimistanî dir giranêr bena. Lajê mi bi xora bomba ci de teqîyaya û hema hema merde yo.”

 

‘Ê vanê aştî la tu çîyêk nêkenê’

 

Emîne Guler dewam de nê çîyan va: “Yew het qalê aştîye keno, heto bîn tu çîyêk nêkeno. Wa dewlete tedbirê verçimî bigîro. Wexto ke lajê mi nêweş beno ez nêeşkena pey ci şîrî. Eke lajê mi azad bo, ez do o her cayî bigeyrî ke baş bibo. Lajê mi dest û lingêkê xo astengdar o. Teberê nê zî o bi linganê xo kincanê xo şono. Lajê mi nêeşkeno awe zî bişimno. Lazim o lajê mi verabidê. Ê tim vanê ‘aştî’ la yê zîndanan de yê veranêdanê. Lazim o rast gaman bierzê. Lajê mi felç bîyo û nêeşkeno çîyêk bikero. Semedê çi nê kenê? Ma nêeşkenê yewbînan bivînê. Bes o nê caardişan rê! Ez nêeşkena şîrî serdanê Emînî. Wa ey verabidê.”