ANQARA - Parlamentera HDPyî ya verêne Huda Kaya ke serrêk û 6 aşmî cezaya ci ameye qetîkerdene, Zîndanê Elmadagî yê Anqarayî de ameye tepiştiş. Huda Kaya, ke kewte zîndan, wina va: “Na tena mesela mi nêya, na mesela pêro kesanê ke azadîya înan ameya xespkerdene ya.”

 

Parlamentera Partîya Demokratîke ya Şaran (HDP) 2022ine de serdayîşê lajê xo yê Cihad Ebrarî, ke Zîndanê Çanakkaleyî de yo. Bi sebebê ke demo zîndan ra vejîyaya, telefon çanteyê aye de bîyo, serrêke û 6 aşmî cezaya zîndanî aye rê ameye birnayene. Parlamentera HDPyî ya verêne Huda Kaya ke serrêk û 6 aşmî cezaya ci ameya qetîkerdene, Zîndanê Elmadagî yê Anqarayî de ameye tepiştiş.

 

Huda Kaya verê ke şiro zîndan, JIN TV rê qisey kerd û va: “Dimayê rewşêka ke vatişê bi temamî bêheq û nêrast ame viraştiş, serrêk û nîm cezaya zîndanî mi rê ameye birnayene û a ceza ameye qebûlkerdene. Ez sipasîya xo ya zerrîwaz pêşkêşê pêro şarê ma, heskerdoxanê ma, hevalan, keyeyan, avûkatan û sîyasetmedaranê ke piştdayîş dayê û pîya xo ver dayê kena. Ez duayanê şima wazena. Ez hêvî kenê ke ma, goreyê şarî, goreyê Tirkîya, goreyê komelî, bi veradayîşê rewî yê hemserekan, sîyasetmedaran, rojnagemeran û pêro hevalanê ma ke bi desine serrî yo zîndan de yê, kêfweş bibê. Na tena mesela mi nêya, na mesela pêro kesanê ke azadîya înan ameya xespkerdene ya.”