MERKEZÊ XEBERAN – MSD’yî bi wesîleya Roja Kobanê ya Dinya eşkerayîyek da û eşkera kerd ke “Şerê Kobanê tena pawitişê cografyayêk bî, lê pawitişê ercê merdimayî û projeyêk neteweyî yê demokratîkî bî.”

 

Meclîsê Sûrîya Demokratîk (MSD) bi wesîleya 1ê Teşrîna Peyêne Roja Kobanê ya Dinya de eşkerayîyêka nuşteyî da.

 

Eşkerayî de wina ame vatene: “Serkewtişê Kobanê şerê hemverê terorîzmî de, wextêk krîtîk mojna û qetî kerd ke îradeyê şaranê azadan eşkeno stûnê hêzê gonîrijnaye bişkinê.

 

Şerê Kobanê tena pawitişê cografyayêk nêbî, lê pawitişê ercê merdimayî û projeyêk neteweyî yê demokratîk bî ke bi têduştî û zafrengî ra bawer kerd û îradeyê sûrîyeyijan semedê awankerdişê welatêk ke heme welatijê xo bê cîyayî kerd verike, temsîl kerd. Zerrîya nê şerî îmtîhanê îdareyê xoserî vejîya werte, sey nimûneyêk serkewte, semedê îdarekerdişê komelî bingehê dadmendî ser û beşdarî û çerçawayêk rastîn semedê yewîya neteweyî rî mendişê terorîzm û zordarî de.”

 

Peynîya eşkerayî de wina ame vatene: “Meclisê Sûrîya Demokratîk, rêze ruhê şehîdê Kobanê û heme kesê ke semedê azadî û yewîya Sûrîye fedakarî kerd, gêno. Venga heme şarê Sûrîye keno ke bi heme pêameyî û nasnameyê xo ke rihê pêgirewtiş û xoverdayîşê yê ke Kobanê temsîl keno, bipawê û semedê ameyoxêk demokratîk ê hempar ke ercê fedakarîyê înan bo û rûmetê welatî û şarê ci bipawo, pîya bixebitîyê.“