AMED - Şaredarîya Amedî ya Şaristanê Pîlî semedê  cinîyan kursanê sporî yê bêpare akena.

 

Serekîya Daîreya Xizmetanê Cinîyab û Keyeyî, semedê teşwîqkerdişê cuyêka weşe, qeydanê kursanê sporî yê ke do semedê cinîyan bêrê viraştiş, dest pêkerdî.

 

Kursan de do perwerdeyê pîlates, zumba, fîtnes û step aerobîkî bêrê dayîş. Kursî ke armancê înan xurtkerdişê cinîyan bi haweyêko fîzîkî û psîkolojî yo, do sewbîna îmkanêk dayîşûgirewtişî û piştdayîşê komelî zî virazê.

 

Kesê ke wazenê tewrê kursanê sporî bibê, heta roja Şeme, 17ê teşrîna verênê, eşkenê Merkezê Cuya Cinîyan ê Ben û Senî, Qûçan, Koşuyolu û Yenîkoyî muracat bikerê.

 

Armancê Serekîya Daîreya Xizmetanê Cinî û Keyeyî no yo ke bi kursanê sporî yê ke organîze keno, tewrêbîyayîşê cinîyan cuyêka aktîf, weşî û komelî bikero.