AMED - Kaykerdoxê Tîyatroyê Şaredarîya Amedî ya Şaristanê Girdî (DBŞT), 12ê teşrîna verêne roja yewşemeyî tutan reyde yenê têhet. Kaykerdoxî, porîmîyerê kayê tutan ê bi nameyê “Hişê min Tev Li Hev Bû (hişê mi têmîyan bî)” do virazê.

 

DBŞT ke binê banê Serekîya Daîreya Kultur û Karanê Komelkîyan a Şaredarîya Amedî ya Şaristanê Girdî de faalîyetanê xo keno, kayê “Hişê min Tev Li Hev Bû” ke Yasîn Yureklîyî nuşt û rejîsorî kerde, yeno sahne ser o. Kayî de Şahperî Alphan, Elvan Koçer, Omer Şahîn, Zeycan Ateş, Rezan Kaya û Sena Ozbey rol gênê.

 

Kayo ke bi teknîkanê akrobasî, mîmê modernî, vatişê hîkayeyan û clownî ameyo amadekerdene, seba tutanê 5 serrî û girdêran û bi pêroyî seba heme temaşekeran o.

 

Hîkayeya kayî de, yew tut wexto ke hewnî ra wirzîyeno, keyeyê xo û heme însananê dinya nêvîneno û seba ke herkesî bigîro, dest bi rayîrêko meraqin keno. Nê rayîrî de tut, girêdayîya mabênê cuye û însanan newe ra keşf keno û bi saya toximêk, dewrê cuye yê xozayî ke merkezê ci însan nîyo, newe ra awan keno.

 

Promîyerê kayî 12ê teşrîna verêne roja yewşemeyî saete 13.00î de Merkezê Kultur û Kongre yê Çand Amedî de do bêro kerdene. Kayê tutan 19ê teşrîna verêne de zî do sahne de bibo.