MERKEZÊ XEBERAN- Goreyê Wezaretê Weşîye Gazzeyî mîyanê 24 saetan de 1 ci ra tut, 3 kesê bîn zî vêşanî ra merdî. Pêwa hûmara kesê ke vêşanî ra merdî resa 428.

 

Hêrişê Îsraîlî 7ê teşrîna verêne 2023ine heta nika hemverê Şerîdê Gazzeyî bêmabên dewam keno. Gazzeyo ke ablûqakerdişêk giran yeno ciwîyayîş, merdimî vêşanî ra mirenê.

 

Şerîdê Gazzeyî ke semedê hêrişê Îsraîl û ambargoyî xela yena ciwîyayîş, mîyanê 24 saetê peyîn de 1 ci ra tut, 3 filîstinijî bînî vêşanî ra merdî. Wezaretê Weşîye Filistînî yê Gazzeyî ke bi eşkerayîyêke nuştî derheqê hûmara kesê ke semedê vêşanî û kêm xidayî dinyaya  xo bedelnayê, agahî pare kerd.

 

Eşkerayî de ame dîyarkerdiş ke pêwa vînîbîyayê peyîn Şerîdê Gazzeyî de 7ê teşrîna verêne 2023ine heta nika hûmara kesê ke vêşanî ra dinyaya xo bedelnayî 146 ci ra tutî, resa 428.

 

Şerîdê Gazzeyî ke binê hêrişê Îsraîl û ambargoyo ke hetkarîyan qedexe keno, vêşanî vila bîya, semedê nêbîyayîşê awe, derman, malzemeyê tibî û pakitî felaketê merdimayî yenê ciwîyayîş.