MERKEZÊ XEBERAN - Heyetê cinîyan ke semedê hişyarkerdişê rewşa bîyaye ya Vakur û Rojhelatê Sûriye û xurtkerdişê têkilîyê mîyanneteweyî şî Ewropa, Parîs de bi partîyê sîyasî, endamê parlemento û rojnamegerê xoserî dir kombîyayîşêk organîze kerd.

 

Heyetêk cinîyan Vakur û Rojhelatê Sûrîye ke gerê xo yê Ewropa dewam kenê, xeylêk paytextê Ewropa de kombîyayîşê sîyasî û medyayî organîze keno. Armancê heyetî oyo ke vengê cinîyanê herême berz bikero û roşnayîya averşîyayîşê bîyaye de problemê ke herêmî pê dir rî bi rî yê, roşn bikero.

 

11ê êlule, heyetê cinîyan ê Vakur û Rojhelatê Sûrîye ra kombîyayîşê çend partîyê sîyasî yê Fransa dir organîze kerd. Mîyanê partîyê ke înan die munaqeşe ame kerdiş de temsîlkarê Partîya Kesk, Partîya Komunîst û Partîya Sosyalîst û çend partîyê bînî zî estbî. Xeylêk endamê parlementoya Fransayî zî beşdarê kombîyayîşî bî. Serê averşîyayîşê sîyasî û merdimî yê Vakur û Rojhelatê Sûriye de nêrînî ameyî parvekerdiş.

 

Nê kombîyayîşî beşêk xebatê mîyanneteweyî yê heyetê cinîyan ê. Armanc oyo ke vengê cinîyanê Vakur û Rojhelatê Sûrîye bireso komelê mîyanneteweyî û pêgirewtişê têkoşînê înan dir mîyanê alozîyê herême de xurt bikerê.