Azîze Akoglu -Pelşîn Çetînkaya

 

AMED- Amed de, taxanê Şehîdlîk û Ben û Senî de meseleyê welatîyan nînê çareserkerdene. Cinîyanê taxe qisey kerd û îfade kerd ke waştişê înan nînê vînayene û sebebê meselanê mewcûdan ra taxe de ciwîyayîş nêmendo.

 

Taxê Şehîdlîk û Ben û Senî yê qezaya Yenîşehîrî yê Amedî bi bananê xo yê verênan û xoserîya xo hîna payan ser o yê. Taxê tewr qerebalixî yê şaristanî yê û eynî wext de hetê feqîrî tede ciwîyeno. Şarê taxan rî bi rîyê meselayan o. Taxijî vera meselayanê komelkî-ekonomîkî xover danê.

 

Zibilê taxan

 

Zibilê taxe merdiman nêrehet keno. Konteynêrê zibilî çin ê û na sebeb ra zibil pêro erdî de yo. Taxijan va ke xeylêk reyî seba çareserîye waştişê xo ardê ziwan la no waştişê înan hîna nêameyo ca.

 

Taxan de kontrol çin o

 

Yew cinîya ke zibilê xo eşte, mîkrofonanê ma rê qisey kerd û va ke seba ke konteynêr çin o, zibilê xo erzenê erdî. Eynî wext de yew taxij şertanê nê hîjyenîkan de keyeyê xo de qesabîye keno û boya aye der û dor vila bena. No taxij karê xo bexçeyê keyeyî de keno û no zî mojneno ke taxe de kontrol nêno kerdene.

 

Rayîrê xirabeyî

 

Her hîna, rayîrî ewle nîyê û kuçeyanê tengan de wesayîtî leze derbaz benê û no zî cuya domanan û şarê taxe keno rîsk. Rayîrî xirabe yê. Rewşa bananê taxe zî hol nîya û yew laserêko qij de banî binê awe de manenê.

 

‘Seba ke rayîrî xirabe yê wesayîtî danê heywananê ma rê’

 

Cinîya bi nameyê Mulkiye Garbur da zanayene ke sebebê mesela zibilî ra zehmetî ancenê û wina va: “Ma vanê rayîrê ma xirabe yê. La kes goşdarîya ma nêkeno. Ma tayêk aramî wazenê. Ma sey xizmetkaran ê. Ez kuçeyê xo pak kena. Ez verê banê xo pak kena. Rayîrê ma pêro xirabe yê. Domanê ma nê rayîran ser o şinê û yenê. Wesayîtî danê heywananê ma rê.”

 

‘Bananê verê keyeyê mi de bi kamyonan zibil est o’

 

Cinîya bi nameyê Besîme ya ke 32 serrî yo Ben û Sen de ciwîyena zî wina qala rewşe kerde: “Kes taxê ma pak nêkeno. Zibilî nêwedarnenê. Banê ke verê keyeyê mi de yo, tede bi kamyonan zibil est o. Wa bêrê nê banî birijnê û pak bikerê. Sebebê zibilî ra her ca meşe ya. Yew boa xirabe est a. Rayîrê ma pêro xirabe yê.”

 

Cinîya bi nameyê Enîse Kaya zî bertek nîşan da û wina va: “Taxe de domanê ma kewenê rayîro xirab. Taxa ma hînî nêbena. Wa na taxê ma weş bikerê. Rayîran virazê. Ma kal û pîr ê. Gereke taxa ma pak bo.”

 

Azîze Kurtarici zî îfade kerd ke gereke bi şaredarîyan reyde bi paştîdayîş meseleyê taxe bêrê çareserkerdene û wina qedîna: “Wa hetkarîya ma bikerê. Ma şar do bibê hetkar û înan reyde çareser bikerê. Sebebê zibilî ra mereyî vejîyenê. Yew boya xirabe est a. Merdimî şaredarîyan berpirsîyar vînenê la şaredarîye zî bes nîya. Gereke ma bibê yew û pîya taxa xo pak bikerê.”