AMED - Hemşaredara Peyasî Bêrîvan Gulşen Sîncar serdayîşê karkeranê ke hêga de firingî arêdayîne, problem û arêdayîşî ser o karkeran dir qisey kerd.  Hemşaredare Bêrîvan Gulşen Sîncar dîyar kerd ke karkerê cinî yê binê germê tebaxe de mercên xidarî de şuxilênê, keda destê xo bi tu hawayî tam nêgînê.

 

Hemşaredare Bêrîvan Gulşen Sîncar pêwa endamê meclîsê şaredarîye û hetkarê hemşaredaran, şî serdayîşê karkerê ramitişî yê nehyeya Sultan Xocayî ke dewa Şadî de yê.

 

Hemşaredare Bêrîvan Gulşen Sîncar demê serdayîşî de wina va: “Wayîrê erdan semedê şîyayeyê berzî yê sey sotemenî, zibil û toxumî nêeşkenê netîceyê ke wazenê bi dest bikerê. Bi eynî hawa, karkerê cinî yê binê tîja germê tebaxe de mercê xidarî de şuxilênê, heqdestê keda xo nêgînê.” Hemşaredare lepik û kela sey dîyarî da cinîyanê karkeran û înan dir firingî arêda.