STENBOL - Dayîkê Şemeyî hewteyê çalakîya xo ya 1065ine de Meydanê Galatasarayî ke binê ablûqa de yo, aqûbetê Mehmet Ertak ke ame vînîkerdiş, persayî. Çalakî de ame vatiş, "Aştî bi bêvengî nê, bi qiseykerdişê heqîqetî pê yena."

 

Dayikê/Merdimê Şemeyî ke her hewte Meydanê Galatasarayî de kom benê ke aqûbetê merdimanê xo yê ke destbendkerdiş de ameyî vînîkerdiş bipersê û no hewte zî çalakîya xo ya 1065ine organîze kerdî. Dayîkê Şemeyî ke Meydanê Galatasarayî de bi qerenfîl û fotografê merdimanê xo yê ke destbendkerdiş de ameyî vînîkerdiş, kom bî û semedê Mehmet Ertak ke 33 serrî yo aqûbetê ey nîno zanayîş, edalet waştî. Eşkerayîya çapemenî hetê Maside Ocak ra ame wendiş.

 

Semedê qedexeyê bêqanûnî yê beşdarbîyayîşî, tena 10 kesan çalakîya meydano ke bi hewteyan o binê ablûqa de yo, yew merdima vînîbîyayeyan Îkbal Eren mecbûr mende ke teber ra temaşeyê çalakî bikero û nêeşka beşdarê girse bibo.

 

Çalakî bi ronayîşê qerenfîlan ê meydanî peynî bî.